Тячовскый райо́н, Тячівський район — административна единка Закарпатской области Украины. Административный центер — город Тячово.
Полога Район находить ся в восточной части Закарпатской области и сосѣдить на сѣверѣ з Ивано-Франковсков областев, на югу — з Румыниев, на западѣ — з Межгорскым и Хустскым, на востоку — з Раховскым районами. Плоха — 1800 км2, в значной мѣрѣ лѣсы и горы. 18 населены пункты мають статус горскых. Главны рѣки — Тиса, Тересва, Теребля (долный ток).
История Территория населена од прадавного часу. В околици Апшы найдены слѣды поселѣня сперед 50 тыс. лѣт, а в околици Великой Уголькы — сперед 30 тыс. лѣт (палеолит). В районѣ суть могылы Куштановицкой културы (Колодное), памятникы деревяной церковной архитектуры (Колодное, Нересниця).Советское Закарпатье, с. 219
Обывательство Року 1969 в районѣ жили 132,7 тыс. людей, переважно Украинцѣ (около 105 тыс.), дале Румыны — 14 тыс., Русы — 2 тыс.Тронько П., с.579 Подля списованя рока 2001 в районѣ жили 171,9 тысяч людей, з того Украинцѣ — 143 тыс. (83%), Румыны — 21,3 тысячи (12,4%), Мадяре — 5 тысяч (2,9%), Русы — 1,8 тысяч (1% обывательства), Нѣмцѣ — 0,3 тысячи (0,2 %)Національний склад населення / Закарпатська область. В районѣ румынскый язык принятый як регионалный.
Продукция Главны конарѣ продукции района суть лѣсное газдовство, деревообробка, продукция поживы, вина, конзерв, добываня кухеньской соли, мрамора, садова и скотарска продукция.Тронько П., с.579 Тячовщина здавна славна своев садовинов. В добѣ ЧСР тячовскы яблока експортовали до Англии, Голландии, Норвегии, Нѣмеччины, Швеции.Тронько П., с.571
За рокы независимости Украины пришли в упадок перед тым успѣшно фунгуючы транспортны и промысловы объекты, як желѣзниця Тересва-Усть-Чорна, котра звязовала вшиткы села долины Тересвы и фунговала в роках 1903–1998,Усть-Чорнянска желѣзниця Закарпатска промыслова геликоптерна сполочность Миноборонпрома Украины в Дубовому, што выробляла аеросани-амфибию А-3 (до року 1987), а пак зачала з выробов геликоптеры значкы Ми-34 (од року 1989), року 1997 была однесена в число подприять, стратегичного значѣня,Постанова Кабінету Міністрів України № 911 від 21 серпня 1997 р. "Про затвердження переліку підприємств, які мають стратегічне значення для економіки і безпеки держави" але не смотрячи на то днесь практично знищена и около 3000 людей стратили роботу.Смерть гиганта
Жерела Советское Закарпатье. Справочник-путеводитель. Изд-во "Карпаты". Ужгород. 1968. Тронько П. и др. (ред.) Історія міст і сіл України. Закарпатська область. К. 1969.
Одказы Сайт районной администрации Списованя 2001 Румынскый язык — регионалный в Тячовском районѣ Усть-Чорнянска желѣзниця Смерть гиганта: Как выглядят развалины вертолетного завода на Закарпатье
Референции
Катеґорія:Районы Закарпатской области