Ирша́вскый райо́н ( Іршавський район) — бывша административна единка Закарпатской области Украины. Административный центер — город Иршава. Район мать 25 сельскых рад и 46 сел. http://2001.ukrcensus.gov.ua/results/regions/zakarpatya/
Полога и природа Район находить ся в централной части Закарпатской области и сосѣдить на сѣверѣ зо Свалявскым районом, на югозападѣ и югу — з Береговскым и Виноградовскым районом, на западѣ з Мукачовскым районом, на сѣверовостоку — з Межгорскым, на юговостоку з Хустскым. Плоха — 943 км2, з того лѣсы — 54%, ораниця — 12%.Тронько П., с. 299 Главна рѣка — Боржава, правый приток Тисы. Року 2009 створеный Националный природный парк «Зачарований край» плохов 6101 га, в околици Илницѣ, де мож видѣти уникатный вытвор природы — Смерековый камень.
История Район належить до найдавнѣйше заселеных в области.Археология Иршавского района (укр.) До Трианона (1920) — округ (Ilosvai járás) жупы Берег. A történelmi Magyarország До р. 1953 — Иршавскый округ.Тронько П., с. 299 В юлу 2020 зрушеный административно-териториалнов реформов. Територия придѣлена звекшеным районам: Береговскому, Мукачовскому, Хустскому, то єдиничный припад в области.
Обывательство Року 1969 в районѣ жили 91 тыс. людей, понад 93% в селах.Тронько П., с. 299 Подля списованя рока 2001 в районѣ жили 100,881 тысяч людей, з того в селах — 91,366 тыс., в Иршавѣ — 9,515 тысячи.Списованя-2001 (укр.). На зачаток рока 2016 в районѣ было 99.998 обывателей, з того в селах — 90.753, в Иршавѣ — 9.245.Чисельність наявного населення України на 1 січня 2016, с. 35
Продукция Основны агрокултуры: тенгериця, пшениця, жито, овес, з техничных култур — доган.Тронько П., с. 299 Промысловый конарь представляли подникы в минулому союзного и републичного значѣня: Иршавскый абразивный завод, Илницкый завод машинобудовных узлох, Кушницкый лѣсокомбинат, Иршавскый комбинат гнутых мебльох, Илницка банска справа, Приборжавскый вапняный завод, Иршавскый винный завод, Иршавска ткацка фабрика, Иршавскый стройремонтный завод. В промыслови было занято понад 5 тысяч люди.Тронько П., с. 300, р. 1969 В сучасности, вшак, велика часть товарень заникла в резултатѣ приватизации и розорваня економичной кооперации. Дакотры обновили технологии и обладунок и продовжують роботу з меншым числом персонала. Напримѣр, Иршавскый абразивный завод обстояв в конкуренции, хоть замѣстнавать лем 126 особ.Сайт Иршавского абразивного завода Практично заникла Боржавска желѣзниця Берегово — Кушниця, што фунговала од року 1908.Боржавска желѣзниця
Памятникы архитектуры Введенска церковь и звонниця, р. 1734 (деревяны), с. Локоть.Советское Закарпатье, с. 218 Михайловска церковь и звонниця, XVIII. вѣк (деревяны), с. Ивашковиця.Советское Закарпатье, с. 217 Михайловска церковь, р. 1707 (камяна), с. Илниця.
Жерела A történelmi Magyarország atlasza és adattára. 1914. Советское Закарпатье. Справочник-путеводитель. Изд-во "Карпаты". Ужгород. 1968. Тронько П. и др. (ред.) Історія міст і сіл України. Закарпатська область. К. 1969. Чисельність наявного населення України на 1 січня 2016 року. Державна служба статистики України. Кнїв, 2016.
Одказы Про кількість та склад населення Закарпатської області (2001) Археология Иршавского района https://web.archive.org/web/20170508163653/http://borzhava-railway.com/ukrainian/ НПП Зачарованый край https://web.archive.org/web/20170430200738/http://www.abrazives.org.ua/index.php Иршавска районна державна администрация Иршавска районна рада
Референции
Катеґорія:Бывшы районы Закарпатской области