Василь Хома (слов. Vasil Choma; *18. май 1927, Микова, окрес Стропков, Чехословакия — †21. апрѣль, 2017 Братислава, Словакия) — чехословацкый дипломат, литературознатель, педагог, русинскый сполоченскый активиста.
Биография Штудии Родив ся 18. мая 1927-го року в селѣ Микова в родинѣ земледѣлцьох. Школованя зачав в родном селѣ, абсолвовав горожанку в Межилаборцях, пак штудовав на гимназии в Пряшовѣ, а зматуровав на гимназии в Гуменном року 1949. Штудовав русскый язык и литературу на Филозофичной факултѣ Универзиты Коменского в Братиславѣ (1949–1951) и Ленинградской универзитѣ в Ленинградѣ (1951–1956). Интерес ку литературѣ достав еще на гимназии, и тото рѣшило выбор будучого фаха.
Фахова робота и далшы штудии
По закончѣню высокошколскых штудий найшов роботу ассистента на Высшой педагогичной школѣ в Пряшовѣ, де читав курс русской литературы (1956–1958).Vyššia pedagogická škola v Prešove, заложена року 1953, днесь: педагогична факулта Пряшовской универзиты.Магочій П.Р., Поп І., с. 788. В роках 1958–1960 быв централным школскым иншпектором. Од року 1960 продовжав штудии на филозофичной факултѣ Универзиты Коменского в Братиславѣ. Ту наступив до екстерной аспирантуры на филозофичной факултѣ Карловой универзиты в Празѣ и року 1965 здобыв ступень кандидата наук з кандидатсков роботов на тему «Русска литературна критика 20. рокох». Габилитовав ся на доцента року 1969 на филозофичной факултѣ Универзиты Коменского в Братиславѣ з темов «Од футуризма ку литературѣ».
Дипломатична служба В рр. 1969—1973 быв заступником министра културы Чехословацкой републикы в Празѣ. Пак перешов на Министерию загранича, де служив в розличных дипломатичных функциях:НН інфоРУСИН 2017/8. первый радник (заступник посла) амбассады ЧССР в Белгии (1973 – 1977), ведучый оддѣлѣня Бенелукс/южна Европа (1977 – 1980), шеф амбассады ЧССР в Републицѣ ЗаирДнесь Демократична република Конго. (1980 – 1984), радник министра (1984 – 1985). Пожадав о увольнѣня з дипломатичных служб и далшы три рокы робив в Словацком парламентѣ (Народной радѣ), пак одышов про несогласну политичну позицию, вернув ся до школства, на педагогичну факулту Универзиты Коменского в Братиславѣ, де робив до септембра 1993.
Од середины 1990-х активный участник русинского сполоченского живота. Умер 21. апрѣля 2017 в Братиславѣ у вѣку 89 рокы, недоживши пару тыжднѣ до 90-лѣтя.
Научна робота Научны труды представлены веце як 200 статьями, рецензиями, науковыма выглядованями, 6 монографиями, переважно з области русской литературы совѣтской добы и украинской литературы Пряшовщины. Быв автором учебникох русинской литературы, приготовив три рочникы Русинского литературного алманаху. Автор книжкы «Розвиток русинської поезії на Словакії од 20-х до 90-х років ХХ. століття», написаной по украинскы.
Сполоченска робота Быв инициатором заложѣня и первым предсѣдником Сполку русинскых писательох Словакии. Выхосновав свой авторитет и добив ся установлѣня литературной премии Александра Павловича про русинскых писательох Словакии, котра финансована з фондох Сполку словацкых писательох. Въедно зо свойов женов Мариов Хомовов, родженов Дупканичовов, выдали монографию «Возроджѣня Русинох».
Жерела и одказы Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. НН інфоРУСИН: Умер Василь Хома. Медвѣдь П. Умер Василь Хома. Таня Рундесова о Миковскых фестивалах
Референции
Катеґорія:Русиньскы народны дїятелї Катеґорія:Дипломаты Катеґорія:Русинскы литературознателе Катеґорія:Державны урядници