Новинка Сова — илустроваиа сатирична новинка русофилского характера, выдавана в Унгварѣ и Будапештѣ од юла 1871.
Перве число вышло 2. юла 1871 в Унгварѣ. За редактора и выдавателя быв означеный Виктор Кимак. Але фактичный выдаватель быв Еммануил Грабарь.Магочій П.Р., Поп І., с. 700.
Предистория Межи членами Общества Св. Василия Великого, дописователями новинкы Свѣт, редактором котрой быв Виктор Кимак, и в читательскых кругах настав розкол межи радикалныма русофилами, котры подтримовали редактора и основнов массов читательства, прихыленых идеи умѣрености, неконфликтованя з властями державы и епархии.
2. фебруара 1871 на засѣданю Общества Св. Василия Великого Виктор Кимак быв одстраненый з поста редактора.
Нова новинка По одстранѣню од редакторства Виктор Кимак призвав группу русинскых писательох и публицистох (Анатолий Кралицкый, Евгений Фенцик, Иван Силвай, Кирил Сабов) до участи в новой сатиричной новинцѣ Сова, де продовжив нападати на епископа и державну политику. В истории новинарства Мадярского кралевства се быв уникатный случай, коли публициста систематично нападав высше церковне веджѣня.Поп И., с. 346. По первом числѣ Совы епископ домог ся од властника печатнѣ перестати з выпуском новинкы. Виктор Кимак продовжив выдавати новинку в Будапештѣ, де вышли еще четыри числа, покы новинку не заказали.
Непознатым зостав автор ядовитых карикатур на епископа Панковича. Редактор Виктор Кимак по таком поворотѣ подѣй рѣшив за лѣпше емигровати до России, де зостав до конця живота.
Жерела и одказы Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. С. 700. Недзѣльскій, Евгеній. Очеркъ карпаторусской литературы. Изданіе Подкарпаторусскаго Народопросвѣтительнаго Союза въ Ужгородѣ. Ужгородъ, 1932. Сс. 186–187. Поп, И. Энциклопедия Подкарпатской Руси. Ужгород: Изд-во В.Падяка, 2001. С. 346. “Сова”, №1, 1871 г., 20 июня – сатирическая газета, Унгвар
Референции
Катеґорія:Русинскы новинкы