Стратовулкан, або композитна сопка е така конусовидна гора, котра ся вытворила в процессѣ многых ерупций, розтягнутых в часѣ, путьом накладованя на себе верстей застылой лавы, пирокластичных усадженин, сопечного попеля.
Типичны знакы Геологы роздѣляють вулканы на моногенны (котры взникли од едной ерупции, або даколькых континуалных ерупций не барз ростягнутых в часѣ) и полигенны (котры взникли як резултат вельох ерупций, оддаленых од себе довжыма периодами спокою).Révai nagy lexikona, т. 19, сс. 475–478. Стратовулканы суть полигенной природы.
Далшый знак стратовулканох, же мають остро спадисту — около 30° — конусовидну форму. Лава мать векшу густоту (в поровнаню з щитовыми вулканами) и застывать на убочах сопкы, зашто ей вышка все наростать.
Росширѣня Стратовулканы суть менше росширены як моногенны тросковы конусы, але вецей росширены як щитовы вулканы. Найчастѣйше стратовулканы взникають на океанскых або морскых берегах, де тектоничны плиты морского дна насувають ся под континенталны плиты (субдукция). Характерным е сопечне пасмо Анд, або Японскых островох. Обще мож зазначити, же сопечны пасма идуть по линиях вѣроятных землетрясѣнь, а майже все перед ерупциями, а даколи и по них в одповѣдных районах региструють землетрясѣня.Ottův slovník naučný, с. 688.
Найпознатѣйшы стратовулканы Везув (Италия) Елбрус (Россия) Етна (Италия) Килима Нджаро (Танзания) Фуджи (Япония)
Стратовулканы в Подкарпатю Выгаслыма стратовулканами суть верхы Вигорлат-Гутинского пасма, котре ся тягне од верха Вигорлат (1076 м) в Словакии до хустской Замковой горы в Хустѣ и севлюшской Чорной горы в Виноградовѣ на Украинѣ. Найвысша точка пасма — верх Бужора (1081 м). Петро Миговк. Нашы вулканы.
Стратовулканы в Подкарпатю суть еще едным потверджѣньом того, же Карпаты были колись морскым берегом.
Жерела MACDONALD, G.A.; 1972: Volcanoes, Prentice-Hall, Inc., Englewood Cliffs. Ottův slovník naučný. Illustrovaná encyklopaedie obecných vědomostí. Díl 23. Vyd. J. Otto. V Praze, 1905. Cc. 684–689. Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935.
Референции
Катеґорія:Вулканы