Корейска Людова Демократична Република (КЛДР) () (бесѣдно Сѣверна Корея; ()) — держава на сѣверѣ Корейского повострова.
На сѣверѣ мать границю з Китаем довжкы 1295 км и з Россиев (12 км), на югу з Републиков Корея (241 км). На западѣ омывать ся водами Жовтого моря, на востоку — Японского моря. Главный город — Пхеньян.
КЛДР створена по Другой свѣтовой войнѣ 9. септембра 1948 на територии совѣтской окупачной зоны, по тому, як 15. августа 1948 в южной, америцкой, окупачной зонѣ была выголошена Република Корея.
Економика КЛДР — индустриално-аграрна держава з еднопартийным социалистичным устроем. Добывать камѣнне и буре угля, желѣзну, оловяно-цинкову, мѣдну, никелову, хромову и иншы руды. Розвита металургия, машинарство и металообробка, хемичный, ставебный, деревообробный и др. конарѣ промысла. Главны промысловы центры: Пхеньян, Хамхын, Чхонджин.Украинский советский энциклопедичесий словарь в трех томах. Т. 2, сс. 135-136.
Експортуе промыслову продукцию, рыбопродукты. Аграрный сектор розвитый недостаточно. В 1990-x роках КЛДР по роспадѣ социалистичного блока мала економичны тяжкости: ряд стихийных нещасть, безгаздовность и недостаток потравин. КЛДР доставала потравинову помоч од Японии и США вымѣнов за обѣцянку не розвивати атомовы збранѣ.
Выслѣдком аграрных реформ в роках 2012—2013 КЛДР в року 2013 достала «первый урожай за 25 лѣт, котрого было доста, обы прокормити ся». Урожай рока 2014 быв еще векшым.КНДР добилась успехов в реформе сельского хозяйства. русс..
Демилитаризована зона Двѣ корейскы републикы по военном конфликтѣ, в котром главну ролю мали Китай и СШАКорейска война 1950-1953. русс. (1950-1953) зостали в року 1953 роздѣлены демилитаризованов зонов. Але в року 2013 КЛДР выголосила выход з договора и ввела до своей части зоны озброены силы. В року 2016 таксамо зробила Република Корея.Кирьянов, О. Разделяющая две Кореи демилитаризованная зона прекратила существование русс. // Российская газета. 2016. 10 июля. Проблема нерѣшеного военного конфликта ся заострила. Паралелно з успѣхами в аграрном секторѣ КЛДР ускорила атомову и ракетну милитаризацию.
Атомово-ракетовый прогрес Официалны выдаткы на милитарны потребы чинять стабилно 15.8% буджета КЛДР.Буджет КЛНР 2017 англ. Подля вонкашных експертных податок суть аж до два раз векшы. 6. фебруара 2016 быв выпущеный на орбиту сѣвернокорейскый сателит, рекомо, про научны и мирны цѣлѣ.Сѣверна Корея выпустила сателит англ. Авшак, подля америцкых експертох, сателит не фунгуе. Неудачне выпалѣня сателита англ.Reuters: Сателит на стабилной орбитѣ, але нефункчный англ. 3. септембра 2017 КЛДР успѣшно выпробовала компактну гидрогенову бомбу, котру мож намонтовати до ракетовых боеголовок. Сѣверна Корея выпробовала гидрогенову бомбу англ.ВВС:Гидрогенова бомба готова до намонтованя в ракету англ.
Жерела и одказы Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988.
Референции
Катеґорія:Країны