Бодрог (мад., слов. Bodrog) — рѣка в Словакии и Мадярщинѣ правый приток Тисы, котрый зберать воды з Топлѣ, Ондавы, Лаборця, Уга и Латорицѣ. Басейн тых рѣк обнимать историчны жупы Берег, Унг, Земплин, Шариш.
Закладны информации Рѣка Бодрог плавебна з даякыма ограничѣнями. Плавба ся дозвалять лем завидка, од выхода до западу сонця. Про великы лодѣ: максимална довжка 70 м, ширина 12 м; дозволена скорость хода 7 км/год. Про моторовы човны скорость ся не ограничать. Рѣка е около 30 м широка в горѣшном току. Кажду ярь обычайно ся выливать, при выливах уровень воды ся подойме на 4 и веце метры, а тогды не ясно, де главный тор плавбы. Нормално плавба ся зачинать в другой половцѣ мая.Факты о Бодрогу.
Найвекшы мѣста над Бодрогом: в Мадярщинѣ — Калный поток и Токай, в Словакии — Стреда над Бодрогом. Рѣка богата на рыбы.
Регулация рѣкы До ХХ. вѣка з причины низкых берегох и великых повеней корыто рѣкы мѣняло ся и кривуляло. Против повеней были выставлены охранны гатѣ в горѣшном току рѣкы, а в долушном выровнано корыто. В роках 1863-1887 были прорыты 13 каналы, выправляючы главне корыто в низинной части, де рѣка творила кривулѣ и рукавы. При довжцѣ долины 55 км, довжка корыта была 115–123 км. В резултатѣ той регулации плавебный тор став ся куртшый о 47,7 км.Révai nagy lexikona. Днесь довжка Бодрога 65 км.
Ток рѣкы Словацка часть Глубина воды в плывном торѣ — од 230 цм до 510 цм. Дно рѣкы пѣскове або мулисте. Рѣка лишать територию Словакии в надморской вышцѣ 94,3 м,Клин над Бодрогом... а то е найнизше мѣсто в Словакии. Довжка словацкой части рѣкы чинить около 15 км, зо спадом 11 м.
Мадярска часть В мадярской части при нынѣшной довжцѣ 50 км спад рѣкы чинить лем 3,5 м.A Pallas nagy lexikona. О 10–км од границѣ рѣка ся росширять до 50-100 м.
Жерела и одказы Бодрог в Географичном словнику Кралевства Польского и другых славянскых земель поль. Клин над Бодрогом: найнизша точка Словакии слов. Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Т. 3, с. 439. Бодрог в енциклопедии A Pallas nagy lexikona мад. Факты о Бодрогу слов.
Референции
Катеґорія:Рікы подля алфавиту Катеґорія:Рікы Мадярщины Катеґорія:Рікы Европы