Ториовцѣ ци То́ри ( Tory, множ. Tories) — назва конзервативной партии в Англии, Великой Британии и Споеном кральовствѣ, выступавша в политицѣ од року 1678 и до року 1834. Противна, либерална партия звала ся виговцями.Тори, партия.
История Партия ествовала понад 150 рокы. Выступала за интересы краля, аристокрации и великых землепанох. Была владнов партиев в роках 1710–1714, пак в роках 1783–1830. Напротив виговцѣ владли в роках 1714–1760.
Характер партии в ходѣ истории даколько разы мѣняв ся, при тому и представителе противной партии поповняли ей членство.
З партии ториовцьох по розвязаню вывинула ся Конзервативна партия, ей найвецей радикалных членох даколи тыж называють ториовцями.
Етимология Назва «Tory» походить з ирского слогана «Tar a Ri», што значить «Прийдь, о, кралю!», Come, oh king!Whig and Tory. В том часѣ остро стояв вопрос о наслѣдникови краля Карла ІІ. (1660-1685), котрый быв бездѣтный и намѣряв передати трон братови, Якубу, герцогови Йоркскому, котрый быв католик. Сам Карел ІІ. снажив ся уровноправнити католикох из протестантами, штовеце, на смертной постели и сам прияв католицтво. Але в протестантской Англии тото снажѣня кральово выволало турбуленции. Ториовцѣ стояли на позиции, же влада краля е од Бога и краль мать неколибиме право ю передати представительови свого рода. В том часѣ «тори» в устах виговцьох была ганлива назывка ирскых (католицкых) збойникох и ребелантох.Tory és Whig
Жерела и одказы Тори, партия.//Энциклопедический словарь Брокгауза и Ефрона Whig and Tory. //1911 Encyclopædia Britannica, Volume 28 Tory és Whig. //Révai nagy lexikona. Révai Testvérek Irodalmi Intézet Részvénytársaság, Budapest. 1911–1935. Том. 18, с. 377.
Референции
Катеґорія:История Споеного кральовства Катеґорія:Организации в Споеном кральовствѣ