Князь Николоз "Тато" Бараташвили, ნიკოლოზ "ტატო" ბარათაშვილი; *27. децембер 1817 – †21. октобер 1845 — быв грузинскый поет-романтик. Через свою ранну смерть лишив односно невелике литературне наслѣдство: неповны 4 десяткы куртых лиричных верши, едну обширнѣйшу поему и немногы приватны писма, але наперек тому поважованый е за найвысшого представителя грузинского романтизма.Rayfield, с. 145. Называли го "грузинскым Байроном".Nechkina, Militsa Russia in the Nineteenth Century: Volume II of The History of Russia, Volume 1 с.449Степанов, Теймураз Тбилиси, легенда и быль 1968
Биография Родив ся в аристократичной, але схудобнѣлой, фамилии князя Мелитона Бараташвили (1795—1860), державного урядника, и князьовны Ефимии Орбелиани (1801—1849). Мав родинне имя Тато. В роках 1827-1835 достав середну освѣту в Тифлисском благородном училищу, в тых роках переменованом на Тифлисску гимназию. Хотѣв быв стати на военску службу, але забранила невылѣчима хромота, котру достав, упавши з лазива. Ити учити ся на универзиту не дозволила худобность родины, и не мав инше, як стати на державну службу на скромный пост в судном резортѣ, жебы финанчно подпорити родину. Великый вплыв на него в гимназии мав професор Соломон Додашвили, грузинскый патриот, писатель, просвѣтитель и либералный филозоф.Suny, с. 124. В року 1832 быв роскрытый комплот, участникы котрого хотѣли выслободити Грузию з Российской империи. Вшыткы были депортованы з Грузии, а быв меджи нима и его учитель Соломон Додашвили. Далшов психичнов травмов была одвергнута любость з боку князьовны Катерины Чавчавадзе, котрой вѣновав многы свои вершы.
В року 1844, коли му отець остаточно скраховав финансово, Николоз мусѣв одыйти на державный пост до Нахичевану, а пак до Ганджи в Азербайджанѣ. Ту похворѣв ся на маларию и умер 27-рочный. 25. апрѣля 1893 остаткы поета перевезли до Тифлиса и святочно погребли при великой зглотѣ народа. В року 1938 перемѣщеный на гору Мтацминда в пантеон найвекшых сполоченскых дѣятели Грузии.
Творба
Яко поет добыв знамости уже в 1840-х роках, авшак за живота ани еден рядок з его верши не быв напечатаный. Первы даколько верши Николоза Бараташвили были опубликованы лем о сѣм рокы по его смерти (1852).Котэ Ингороква: Юбилей Николоза Бараташвили. Але по выданю в року 1876 зберкы его поезий в грузинском языку став ся он едным из найпопуларнѣйшых поетох Грузии.
Поетична дѣдовизна Николоза Бараташвили обсягуе 37 лиричных верши и историчну поему Доля Грузии. Окрем того зостали еще 20 приватны писма. Але и при такой скромной дѣдовизнѣ занимать Бараташвили челне мѣсто в цѣлой грузинской поезии, е поважованый по найвекшом середновѣком епикови Шотови Руставели за найвекшого грузинского поета.Slovník světových literárních děl. Его вершинный твор Мерани (1842) проникнутый настроем протеста, поет-ѣздець несе ся простором звѣздяной далекой ночи на окрыленом мифичном коньови Мерани и высиленый не годен перемочи тяжкости дорогы, але умерать в глубокой вѣрѣ, же настане лѣпша будучность, до котрой он проклав путь. В поемѣ Доля Грузии (1830) и вершу Гроб царя Ираклия (1842) поет задумуе ся о историчной дорозѣ своей отчизнины и вертать ся ку рѣшѣню царя Ираклия ІІ. звязати ей долю з Россиев.Украинский советский энциклопедичесий словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 1, сс. 143-144.
Николоз Бараташвили достойно представлять грузинску културу в свѣтовой литературной дѣдовизнѣ.
Жерела и одказы Baratašvili, Nikoloz: Basně. // Slovník světových literárních děl. 1/A-L. Vladimír Macura a kol. Vydání druhé. — Praha: Odeon, 1989. . . Cc. 93-94. Rayfield, Donald (2000), The Literature of Georgia: A History. Routledge, . Suny, Ronald Grigor (1994), The Making of the Georgian Nation. Indiana University Press, . Бараташвили, Николоз Мелитонович. Биография. //Онлайн-энциклопедия «Кругосвет» (krugosvet.ru). Биография. Бараташвили: лирика. Бараташвили Николай Мелитонович. //Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 1, сс. 143-144. Бараташвили. //Энциклопедический словарь Брокгауза и Ефрона, доп. т. I (1905): Аа — Вяхирь, с. 217. Котэ Ингороква: Юбилей Николоза Бараташвили: След небесный – синий след…
Референции
Катеґорія:Поеты Грузии Катеґорія:Писателе 19. стороча