Сенеґал (), офіціално Република Сенеґал () — є держава в западнуй Африці. Сосідит из Маврітанійов, Малі, Ґвінейов, Ґвінейов Біссау, Ґамбійов и Кабо Верде (по морю). Столиця, разом економічный и політичный центер є Дакар.
Країна ся называт по ріці Сенеґал, з котров граничит на сівері тай востоці. Сенеґал быв частьов Французької Западної Африкы, независимусть дустав у 1960. році. Французькый язык має офіціалный статус. Населеня державы числит приблизно 16 міліонув, котрі належат ид усякым културным и етнічным ґрупам. Майбулші з них сут волофы, фулбы тай сереры. Язык волоф фунґує ги лінґва франка.
Сенеґал ся держит за бідну державу з высоков задовженостьов (в класіфікації МВФ и Світового банка). Булшина жителюв робит у земледілстві ци иншых конарях поживового промысла. Змежи другых важных індустрій сут гурництво, турізм и службы. Кліма сахелська, айбо є сезон дожджув. Тым не менше, зміна клімы изнизила обєм упадкув, проґнозує ся звышеня температуры.
Катеґорія:Країны