Олга Ри́шави, Olga Rischawy, Olga Ryšavá (*10. януара 1903, Мѣстек, Морава, Австро-Мадярщина — †23. мая 1993, Кушниця, Закарпатска область, Украина) была нѣмецка писателька чешского походжѣняМ. Алмашій.И. Поп.Зимомря І. М., Зимомря М. І. в Подкарпатской Руси и Закарпатской области УССР.
Биография Закончила нѣмецку гимназию в родном мѣстѣ. Оддала ся за Чеха, котрый яко дипломованый лѣсник в року 1928 достав замѣстнаня на Подкарпатской Руси, и въедно з ним пришла до найдалшого восточного кутика молодой републикы. Была учительков музикы и спѣву в Раховѣ и Ясиню.
По войнѣ и установлѣню совѣтской украинской влады перебрала ся до Кушницѣ, села де оддавна жила и спозначна часть нѣмецкого обывательства. Подобно иншым приселенцям з индустриализованой Чехии была очарована природов края, полюбила народный быт, спѣванкы, котрым учила дѣтей въедно з музикалнов теориев. Зостала вѣрна своей новой отчизнѣ и своей профессии до конця живота.
Литературна творба Писала вершѣ, дѣточѣ повѣданя, вершованы и прозовы казкыПавленко Г. В. по нѣмецкы и публиковала в нѣмецкоязычных выданях в Празѣ, Теплицях, Братиславѣ.
В повоенных роках, уважаючи на заострьовану комунистичнов владов антинѣмецку пропаганду, лишила литературну творчость. По хрущовском одмяку вернула ся ку писаню и публиковала свои творы в новинках Нѣмцьох Казахстана Freundschaft (Цѣлиноград), Нѣмцьох Алтая Rote Fahne (Славгород). Выступовала тыж в централных московскых нѣмецкых выданях: Neues Leben, антологиях нѣмецкой поезии в СССР.
Окремов книжков вышли ей поезии з паралелным текстом по нѣмецкы и по украинскы: Голуба мандрівка, Ужгород, «Карпати», 1979, двѣ зберкы поезий в Ужгородѣ.Хланта Іван.
Посмертно вышла ей друга зберка поезий Рокам подвоєно ціну, Ужгород, 1996, таксамо з оригиналным нѣмецкым текстом и паралелным украинскым. Обѣ зберкы якостно потовмачив по украинскы Петро Скунць.Ігнатович О.
Жерела и одказы Алмашій, Михайло. Русинська педагогічна енциклопедія. Ужгород, 2005. ISBN 966-2674-43-X Сс. 228-229. Зимомря І. М., Зимомря М. І.: Рішаві Ольга Янівна //Енциклопедія Сучасної України Ігнатович, Олександра. Літературні портрети. «Ліра». Ужгород, 2013. ISBN 978-617-596-112-4 Сс. 50-51. Google books Павленко Г. В. Діячі історії, науки і культури Закарпаття. Малий енциклопедичний словник. Ужгород, 1999. ISBN 966-7242-10-2 C. 150. Поп, Иван. Энциклопедия Подкарпатской Руси. Ужгород: Изд-во В.Падяка, 2001. 431 с. ISBN 966-7838-23-4 С. 323. Хланта Іван. Літературне Закарпаття у ХХ столітті. Бібліографічний покажчик. Ужгород, 1995. Сс. 607-608.
Референции
Катеґорія:Німецкоязычны писателе Катеґорія:Німецкоязычны поеты