ABBA была шведска поп-музична група, створена в року 1972 в Штокголму, котра добыла собѣ карколомну популарность в 1970-х роках. Стала ся она еднов з найуспѣшнѣйшых за вшитку историю популарной музикы свѣта и найуспѣшнѣйшов в истории шкандинавсков групов. Албомы групы были проданы в накладѣ понад 370 млн. екземплары,The Associated Press: Former ABBA drummer found dead in garden подля дакотрых шацовань аж 500 млн. екземплары.ABBA AGAIN. //Mike Evans. Rock'n'Roll's Strangest Moments: Extraordinary But True Tales from 45 Years of Rock & Roll History. Pavilion Books, 2014. С. 169. Група роспала ся зачатком 1980-х, але ей спѣванкы суть популарны и живы доднесь. В сучасности (2012) еще все рочно ся продавать около 3 млн. записох.
Назва Назва "ABBA" походить од зачаточных букв имен членох групы: Agnetha Fältskog Björn Ulvaeus Benny Andersson Anni-Frid Lyngstad.
История Агнета, Бйерн, Бенни и Анни-Фрид, перед тым индивидуалны музичны умѣлцѣ, зачали выступовати въедно яко кабаретова група Fästfolk од року 1970. Тота назва в шведчинѣ означать заручену пару. И поправдѣ, Агнета и Бйерн побрали ся в року 1971, а Бенни и Анни-Фрид слѣдом за нима в року 1978.Michael Ray. Тота група не зыскала собѣ вельо прихылникох в Швеции.
В року 1972 выпустили яко квартет свой первый сингл "People Need Love" под значков "Björn & Benny, Agnetha & Anni-Frid", котрый ся многыма музикознателями поважуе за первый вытвор групы ABBA.http://www.abba-intermezzo.de/ehome.htm Одтеперь зачали сполупрацовати з выдавательством Polar Music, а его закладатель и их будучый манажер Стиг Андерсон (Stig Anderson), посмѣльовав складательох Бйерна и Бенни, же раз прийде час, коли их складба стане ся свѣтовым гитом.Palm (2001), с. 173.
В року 1973 зоз спѣванков Ring, Ring не успѣли в шведском квалификачном колѣ конкурза Евровизии, хоть мали успѣх у публикы и умѣстили ся на 3. позиции. О рок на то конкурз Евровизии выграли зоз спѣванков Waterloo и то было найвекшым успѣхом за вшитку историю шведской поп-музикы.
Далша история групы — то фантастична история успѣху. Спѣванкы една за другов доставали найлѣпшы позиции в гитпарадах. Телевизна шоу групы ABBA в Австралии року 1976 мала веце позирачох, як перве приставаня на Мѣсяцю.
В року 1979 перед выданьом албома Voulez-Vous Агнета и Бйерн розвели ся, обѣцяючи, же то не вплыне на продукцию групы. Але албом Super Trouper во вецеро спѣванках прозраджовав меланхоличный сподный пруд, котрого не было в скоршых албомах. В часѣ награваня албома The Visitors розвели ся Бенни и Анни-Фрид, и тот другый розрыв група уж не пережила. Далшы пробы реанимовати групу освѣдчили ся як марны: року 1982 група ся роспала.
По 40-рочном небытю члены групы ся рѣшили ещи раз зобрати и выпустити свой прощалный албом Voyage (2021). Албом вышов 5. новембра 2021, а наступно напланованы виртуалны концерты, котры будуть нафилмованы методами компютерной голографии, де ся група укаже во своем молодом вѣку, а тыж зоставать она представлена в интернетѣ.
Штудиовы албомы Ring Ring (1973) Waterloo (1974) ABBA (1975) Arrival (1976) ABBA: The Album (1977) Voulez-Vous (1979) Super Trouper (1980) The Visitors (1981) Voyage (2021)
Славны спѣванкы Waterloo (1974) S.O.S. (1975) Mamma Mia (1975) Fernando (1976) Dancing Queen (1976) Money Money Money (1976) Chiquitita (1978) Gimme Gimme Gimme (1979) The Winner Takes It All (1980)
Жерела и одказы PALM, Carl Magnus. Bright Lights, Dark Shadows: The Real Story of ABBA. Londýn : Omnibus, 2001. . Michael Ray: ABBA, Swedish music group. //Encyclopædia Britannica. Сайт официального фан-клуба ABBA в Германии Канал ABBA на YouTube Сторона ABBA на Facebook
Референции
Катеґорія:Ансамблы