Йозеф Каетан Тил ( Josef Kajetán Tyl; *4. фебруар 1808, Кутна Гора — †11. юл 1856, Плзень) — чешскый драматик, режисер, актер, перекладатель, театралный критик, писатель и новинарь, автор текста чешской гимны.
Биография Йозеф Каетан Тил быв первородженый сын Йиржи Тилла, войскового музиканта-обоисты 28. пѣшого полка,Tylův životopis. //Spisy J. K. Tyla, Dekret kutnohorský, uspořádal Fr. Sekanina, vydal L. Mazáč, Praha, 1928. Сс. 31-40. в Кутной Горѣ, во выслужбѣ крайчира, и Барборы Краликовой, млинарьовой дѣвкы. Крещеный яко Йозеф Франтишек Тилл (Josef František Till) при конфирмации (1819) достав имя Йозеф Каетан. Позднѣйше еще два раз змѣнив правопис свого призвиска. По закладной школѣ в року 1822 пошов на гимназию до Прагы, а докончив ю року 1827/28 в Градци Кральовой, де его професором быв Вацлав Климент Клицпера, великый народовець и пионер чешской драматургии.Kotrč, Josef a Kotalík, Josef. В року 1828 зачав ся учити на филозофской факултѣ Карловой универзиты, але науку не докончив.
Два рокы ходив яко актер з вандровным театром, де ся спознав зо своев будучов женов, Магдаленов Форхгаймовов (1803–1870), спѣвачков и актерков. Вернувши ся до Прагы, достав мѣсто учтовника при канцеларни 28. пѣшого полка, де працовав до року 1842. Вольный час оддавав театрови и новинарству. Редаговав часописы Jindy a nyní (1833), Květy české (1834), Květy (1935–1836, 1840–1845), Vlastimil (1840–1842), Pražský Posel (1846–1849). Зачав писати драматичны творы. 21. децембра 1834 на сценѣ Ставовского Театра представили его гру Fidlovačka, в котрой первый раз прозвучала его пѣсень Kde domov můj, што стала ся народнов гимнов Чехох.
Од року 1842 працовав в Новом Театру (Nové divadlo) на улици Ружовой яко режисер и драматург, а од року 1846 в Ставовском Театрѣ яко драматик. В тых роках народностного пробуджѣня став ся любимцьом чешского народа, быв на верху своей карьеры, выдали му вшиткы его творы, достав награду Матицѣ чешской и золотый перстѣнь за литературу. В револучном року 1848 быв участником Славянского зъѣзда в Празѣ и быв выбраный на посла Имперского сойма од чешского выберанкового округа Унгошть.
В роках пореволучной реакции достав ся до немилости пановникох, хоть и хотѣв ся им завдячити писаньом ославных текстох, напримѣр в року 1853 одов на нездареный атентат на Франца Йозефа І.Klasikové v nedbalkách, autor Jan Bauer, MOBA s.r.o. 2006, с. 73. Нич то не помогло. З театра быв пропущеный. Од театра была однята земска субвенция. Жебы уживив родину пристав ку вандровному театру. Але тот заробок быв слабый, а довгы наростали. В року 1856, коли театер загостьовав до Пылзня, тяжко похворѣв ся и умер, лишивши родину в великой худобѣ.
Родина В року 1839 оженив ся з Магдаленов, з котров чекав дѣтину. Дѣтина пришла на свѣт мертва, а Магдалена по тяжком породѣ уж не могла мати дѣти. Неодовго навязав интимны одношѣня з Магдаленинов младшов сестров Аннов Форхгаймовов-Райсков (1824-1903), котра тыж была актерка, а выступовала под сценичным призвиском Райска. З Аннов мав девятеро дѣти, котры выхововала Магдалена.František Černý: Měnivá tvář divadla aneb Dvě století s pražskými herci. Mladá fronta, 1978, с. 48. Пять рокы по смерти Й. К. Тила Анна оддала ся за актера Йозефа Ладислава Турновского, з котрым мала еще трое дѣти, а котрый старав ся о цѣлу осиротѣлу Тилову родину.Votočková-Lauermannová, Olga. Anna Forchheimová (Rajská), nejstarší česká herečka. //Národní listy, roč. 73, č. 237, dat. 1933-12-05, str. 3. Одчитане: 2011-06-18.
Творба Вызнам Й. К. Тила проявуе ся передо вшиткым в драмѣ и в ширеню чешского театра по вѣдику. Быв найвекшым чешскым театралным будительом и добрым людовым новинарьом.
В зачатку Тилового прихода в литературу держало ся, же театер е высше умѣня, котре не мож творити в простацком языку, як наприклад гра Fidlovačka aneb Žádný hněv a žádná rvačka (1834),Fidlovačka aneb Žádný hněv a žádná rvačka jako e-kniha zdarma ke stažení z katalogu Městské knihovny v Praze. де значна часть текста написана по нѣмецкы без всякого товмачѣня. И в зачатку творбы Тила чешскый людовый театер екзистовав яко вандровный театер, але и в конци, в рокы реакции таксамо. Творба Тилова ориентована передо вшиткым на простый народ, на его забаву и прискѣплѣня чешского патриотизма. В грах и повѣданях з историчнов тематиков Тил ся мало старать о историчне окружѣня. В уста историчных особ дидактично вкладать народны, славянскы и демократичны думкы, сучасны его добѣ.
Жерела и одказы Kotrč, Josef a Kotalík, Josef. Stručné dějiny československé literatury pro vyšší třídy škol středních. V Praze, nákladem Československé grafické unie A.S., 1934. Сс. 61-62. Turnovský, Josef Ladislav. Život a doba Josefa Kajetana Tyla. Praha: Hynek, 1892. Доступне онлайн Fidlovačka aneb Žádný hněv a žádná rvačka jako e-kniha zdarma ke stažení z katalogu Městské knihovny v Praze. Тыл (Tyl) Йосеф Каетан. //Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Т. 3, с. 427.
Референции
Катеґорія:Чешскы писателе Катеґорія:Артисты театра Катеґорія:Чешскы поеты Катеґорія:Перекладателе Катеґорія:Чешскы драматици Катеґорія:Чешскы новинаре Катеґорія:Писателе 19. стороча