Мадярскый язык, magyar nyelv — угрофинскый язык з родины уралскых, еден з угорскых языкох.
Катеґорія:Языкы
Ареал и число бесѣдникох Мадярскый язык мать главный ареал в Мадярщинѣ (над 10 млн. особ, 98% обывательства), в Румынии (по розличных шацованях — од 1,7 до 3 млн.), около 600 тыс. Мадярох жиють на територии Словакии, около 450 тыс. во Войводинѣ, десяткы тысяч — в Австрии.Кругосвет. В Украинѣ жиють 156,6 тыс. Мадярох.Списованя 2001 (2001). Обще число мадяроязычных особ во свѣтѣ шацують на 14,5 млн.
Мадярскы меншины появили ся в державах, межуючых з Мадярщинов по року 1920, коли в резултатѣ Трианона, од Мадярщины были одняты 2/3 ей територии.
Мадярскый язык — найвекшый зоз вшиткых уралскых языкох.
Родинскы языкы Покля иде о язык, найблизшов родинов Мадярам суть Ханты и Манси, народы сѣверного Урала. Тото е их самоназва, а в царской России называли их одповѣдно Остяками и Вогулами.Révai nagy lexikona. Подля днесь принятой класификации тоты три языкы творять групу угорскых языкох.
История Мадяры принесли зо собов з уралской праотчизны много ирано-туркийскых слов, в конци ІХ. ст. занявши територию Карпатской котлины, перебрали много нѣмецкых, славянскых, талианскых и латинскых слов. Славянска лексика переважно газдовска, нѣмецка переважно военска и технична, латинска переважно умѣлецка и научна. Туркийска лексика додала ся еще в часѣ османской окупации (1526-1687) Мадярского кральовства. Мадярскый литературный язык сформовав ся трудами Петера Пазманя около року 1600, але урядным языком став ся аж в року 1836, перебравши тоту роль од латины.1836. évi III. törvénycikk (a Magyar Nyelvről) Архивоване 1. дец. 2017 Од року 1844 став ся основным урядным языком (державным языком), дозволяючым хосновати меншиновы языкы в окремых припадах.
Але перед тым нико не зробив вецей про розвой и обновлѣня языка од двох Давидох Сабовох. Спочатку Давид Сабов Баровти склав Малый словник (Kisded Szótár, 1789), котрый быв написаный дактиловыма вершами, а пак в другом выданю в року 1792 вышов в формѣ звычайного выкладового словника, де автор подав найинтереснѣйшы стары и новы зобраны ним слова, а додав и диалектизмы. А до тых ещи додав и дакотры створены ним самым неологизмы, напр.: erény цнота, szörnyeteg потвора. А пак ещи в новинцѣ подав велике множество пословиць и пригварьок, чим зробив службу, доднесь не стратившу цѣнность. Од него намного майсмѣлый, але менше хосновливый быв Давид Сабов Барцафалви, котрый продуковав неологизмы, як фабрика, «на провбу», же най сполоченство рѣшить, котры прийме. Достав немилосердну критику, а з его щедрой продукции лем мизерна часточка зостала доднесь в поужитю.A két Szabó Dávid
Жерела и одказы Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Том 13, сс. 184-185.
Венгерский язык. // Большая Советская Энциклопедия. Венгерский язык. //Энциклопедия Кругосвет
Референции
Придатны одказы Онлайн словник мадярско-польскый, польско-мадярскый Онлайн словник мадярско-словацкый Онлайн словник мадярско-чешскый
Катеґорія:Угорскы языкы Катеґорія:Мадярьско Катеґорія:Мадярскый язык Катеґорія:Официалны языкы Евроунии