Тревир (Тревір), Trier, Trèves — город в ФРГ, во федералной землѣ Райнланд-Фалц, в окрузѣ Тревир-Заарбург, на граници з Луксембургом, на пограничной рѣцѣ Мозели.Encyclopaedia Britannica. Тревир — найстаршый город ФРГ. Назва Тревир — середновѣка славянска назва.
История В 1. ст. до н. е. Тревир быв римскый военскый табор, закладеный на мѣстѣ святыни галлского племени Треверох, позднѣйше главный город римской провинции Белгика. При Диоклетиану (284—305) — главный город префектуры Галлия, една из четырьох столиць Римской империи.Большая Советская Энциклопедия.
В 9. ст. став ся центром архиепископства. В другой половцѣ 12. ст. достав городске право.
В року 1794 Тревир прилученый ку Франции, в 1814—15 — ку Пруссии. В револучной добѣ 1848—49 быв центром демократичного руху Ринской провинции.
По 1. свѣтовой войнѣ рр. 1914—18 окупованый до року 1930 французскым и америцкым войском. По 2. свѣтовой войнѣ рр. 1939—45 припадав ку французской окупачной зонѣ. Од року 1949 в ФРГ.
Историчны памятникы Захранили ся римскы ставбы — амфитеатр (около р. 100), императорскы термы (около 300), городскы ворота (Porta Nigra, зачаток 4. ст.), базилика (4. ст.) и много цѣнных будов середновѣку и нововѣку.
Днешность Потравиновый, догановый, текстилный, обувный промысел, машинарство, продукция металовыробкох, електронных апаратох. Центер района винарства.Трёшников А.Ф.
Универзита од року 1473, заникла в року 1798, обновлена в рр. 1970-1975.
Вызнамны особы Карл Маркс, в городѣ доступный дом-музей Карла Маркса.
Жерела и одказы Трёшников А.Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с. . Trier. Germany. //Encyclopaedia Britannica. Трир (город в ФРГ). //Большая Советская Энциклопедия. Официалный сайт
Референции
Катеґорія:Міста Нїмецька Катеґорія:Населены пункты Германии