Мария Пуйманова, Marie Pujmanová, роджена Геннерова, (8. юна 1893, Прага,Matriční záznam o narození a křtu farnost při kostele sv.Štěpána na Novém Městě pražském Австро-Мадярщина — 19. мая 1958, Прага) была чешска писателька и новинарька. Лавреатка Державной награды в роках 1937, 1948, 1951, 1953, 1955. Seznam laureátů literárních cen na webu Ústavu pro českou literaturu AV ČR– лоступне онлайн Носителька честного титула народна умѣлкыня (1953).Malá československá encyklopedie. Svazek 5., Pom–S. 1. vyd. Praha: Academia, 1987, 998 s. [Гасло «Marie Pujmanová» е на с. 208.]
Биография Ей отець, Камил Геннер ст., правник, быв универзитным професором на правницкой факултѣ Карловой универзиты. Брат, Камил Геннер мл., став ся вызнамным неврологом.Opelík, Jiří. Marie Pujmanová. //Lexikon české literatury, P-Ř. Vyd. Academia, Praha, 2000. . С. 1163.
Понеже была слабого здоровя, освѣту достала приватно, а ей учительом литературы быв Франтишек Ксавер Шалда, вызнамный литературный критик и писатель.
8. юна 1912 оддала ся за Властислава Затку, сына заможного адвоката, а жила в Чешскых Будейовицях.Národní politika, 3.6.1912, s.3, Oznámení sňatku (dostupné online v NK ČR) Але тото манжелство скоро ся закончило ей нервовов хворотов и розводом.
Другый раз оддала ся в року 1919 за Фердинанда Пуймана, професора конзерватории, драматурга и режисера оперы Народного театра в Празѣ. Мала з ним двох сынох: Войтеха (1921), природника, и Петра (1929), прозаика и перекладателя. Выступовала яко публицистка и театрална критичка, много вандровала. Поступно ся одклоньовала во своих позициях од христианского социализма и од 1930-х рокох, видячи наслѣдкы господарской кризы, приклоньовала ся ку поглядам комунистичным.
В року 1932 навщивила СССР и выдала книгу Погляд на нову державу (Pohled do nové země),Пуйманова Мария. в котрой говорить о своей вѣрѣ в «свѣтло з востока».Бернштейн И., сс. 6-7.
1930-ы рокы тяжкой економичной кризы стали ся переломныма и в животѣ Пуймановой, она зближать ся з комунистами, и ей далша творба зачинать быти значно идеово овплывнена.
Од року 1956 терпѣла на рецидивны запалы плюц, што ся стали причинов ей смерти. Погребена на вышеградском теметовѣ Славин.
Творба Мария Пуйманова дебутовала в роках 1909-1910 во выдавательствѣ Новина, де в его периодиках публиковала малы прозы, фейтоны, глосы. Первы ей литературны творы, одобраны редактором Ф. К. Шалдов были Децемброве повѣданя (1909) и повѣданя Вѣрино пятнадцятьроча (1910). Уже в первых творах зачав ся вырисововати ей метод: тонкый психологичный опис стану героя, его чутьох, думок, чинох.Аникина Т.Е.
В ранной творбѣ Пуйманова рисуе живот пражской интелигентской родины, в 1920-х роках до сферы ей творбы додавать ся живот простых людей, хоть зась лем переважно его моралны и психологичны стороны, але уже в романѣ Пациентка дохтора Гекла (1931) главны поставы умѣщены до широкого сполоченского и цѣлодержавного контекста.
Главне мѣсто в творбѣ Пуймановой занимать роман-трилогия Люде на роспутю (1937) – Игра з огньом (1948) – Живот против смерти (1952), указуючый сполоченско-политичну историю Чехословакии в роках 1918–1945.УСЭС, том 3, с. 17. Роман Люде на роспутю (1937) быв зачаточно задуманый як «розлеглый образ добового сполоченства, якый мав подати поставу Батьового сына, як носителя техничного прогреса», але под вплывом теории соцреализма, з котрым ся авторка освоила, перемѣнив ся на конфронтацию пролетарского и буржоазного свѣта. Тоту перемѣну остро видко в серединѣ роману, коли главный герой, Онджей Урбан, по закончѣню школы лишать Прагу и одходить гледати щастя на фабрицѣ промысловой империи Казмара (прототипом котрого быв Батя). Во двох далшых романах трилогии, дописаных уж в сталинской добѣ, идеологичный замѣр переважать над умѣлецкым, на передину ся высувать нитка историчных подѣй и колективны судьбы. Еще ай барз прихылна ку Пуймановой совѣтска критика мусить признати, же
Жерела и одказы Marie Pujmanová: Prozaička, publicistka, básnířka. //Slovník české literatury po roce 1945. Ústav pro českou literaturu AV ČR. Lexikon české literatury, osobnosti, díla, autoři; díl 3, M - Ř, kolektiv autorů, editor Jiří Opelík Praha: Academia 1990. Аникина Т.Е.: Система речевых образов в поэзии и прозе М. Пуймановой. Автореферат диссертации. Санкт-Петербург, 2003. Бернштейн И.: Светлый и мужественный талант. //Мария Пуйманова: Люди на перепутье / Игра согнём / Жизнь против смерти. М: Изд-во «Художественная литература», 1976. Пуйманова Мария. //Большая Советская Энциклопедия. УСЭС: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 3. . С. 17.
Референции
Катеґорія:Чешскы писателе