Филогенетика е роздѣлом биологии, котрый штудируе филогенезу окремых видох або категорий организмох.Тимченко А. Д., с. 313. Циже филогенеза е предметом филогенетикы, и конкретны заключѣня, напримѣр филогенеза 33 видох бамбуса, суть резултатом выгледовань ученых, працуючых в области филогенетикы.
Родовод Нѣмецкый биолог Ернст Геккел позычив од генеалогии понятя родострома и поужив го в биологии.Шипунов А. Б., сс. 18-19. Кажда окрема филогенеза може ся графично представити як стром, указуючый вывойовы повязаня меджи организмами-предками и организмами-потомками.
Филогенетика одмѣтать формалну ерархию, напротив того усилуе ся найти правдиве родство на основѣ представы, же вшиткы организмы мали свого универзалного сполочного предка.Kalina T., Váňa J.
Филогенетика зробила переворот в системѣ выучованя биологии в школах и высшых училищах: кедь перед тым выуку зачинали од ссавцьох а так спущали ся долов «лазивом природы», одтеперь зачинають од бактерий.
Фенетика контра кладистика Заключѣня филогенетикы мають велику вагу про таксономию. До 1950-х рокох в таксономии переважав фенетичный приступ, циже поровновали ся фенотипы организмох и чим веце мали они сполочных знакох, тым бизовнѣйше могли быти однесены ку едной категории. Про фенетичный приступ вшак е зовсѣм безвызнамный тот факт, выявленый филогенетично, же птахы и крокодилы мають сполочного предка — фосилного ящура, а значит такы фенетично неподобны организмы мають належати ку едной категории.Gittleman, John L.
Од 1960-х рокох розвивать ся иншый приступ, котрый достав назву кладистичный, основаный на новых можностях молекуларной генетикы, котрый не бере на вагу лем вонкашны знакы (фенетику), але анализуе методами генетикы, ци тота вонкашна подобность е дѣдична. Кладистика тыж мать свои слабы стороны, але метод од того часу непрестанно ся вылѣпшать и в сучасности переважать.
Жерела и одказы Gittleman, John L.: Phylogeny (biology). //Encyclopaedia Britannica. KALINA, Tomáš; VÁŇA, Jiří. Sinice, řasy, houby, mechorosty a podobné organismy v současné biologii. Praha: Karolinum, 2005. 606 s. . Тимченко А. Д. Краткий медико-биологический словарь. Киев. Вища школа. 1988. . Шипунов А.Б. Основы теории систематики. Москва: Открытый лицей «Всероссийская заочная многопредметная школа», 1999.
Референции
Катеґорія:Біолоґічна сістематіка Катеґорія:Генетика