Полонина — буйны лучины, котры покрывають плоскы горскы хребты понад границьов лѣса. Полонины бывають обычайно сполоченскым маетком, на них ся выпасають через лѣто стада, выгнаны горѣ на пашу з околичных сел.Ottův slovník naučný, том 20, с. 128.
Флора полонины представлена переважно субалпсков ростинностьов: пестротов трав ай заростами яфин и яловця.Маринич О. М., сс. 60–61. Рясность лучных трав на ланкастых берегах робить полонину файным пашковом.
Етимология Слово е славянского походжѣня. Праславянске *pol-nъ, звязане з pol-je — ровна земля, необроблена, безлѣса, повна дикоростучых, планых ростлин (аж оброблене поле е нива).Machek V., с. 454.
Лексема *polnina означать у восточных и западных славян отвореное, незароснутое лѣсом, ровное мѣсто, обычайно лука або паствиско. А понеже слово *polnina росширене у восточных и западных славян переважно в горскых регионах, та оно означать горску луку, паствиско. В южнославянскых литературных языках розвив ся новый вызнам, и *polnina зачала означати просто горы. Але во вельох южнославянскых диалектах заховав ся старый вызнам.Толстой Н. И., сс. 80-81.
Жерела и одказы Václav Machek. Etymologický slovník jazyka českěho. — . Vydala Academia, nakladatelství Československé akademie věd, Praha. 1968. Ottův slovník naučný. Illustrovaná encyklopaedie obecných vědomostí. . . V Praze, 1908. Маринич О. М. (відп. ред.) Географічна енциклопедія України: .— Толстой Н. И. Славянская географическая терминология. Семасиологические этюды. АН СССР. Институт славяноведения и балканистики. Москва: 1969.
Референции
Катеґорія:Земны утворы