Бактериофаг, або тыж фаг, од bacteria бактерии и φᾰγεῖν - phagein "пожирати", — е вирус, котрый жие и плодить ся лем в бунках своих газдох — бактерий.Тимченко А. Д., с. 308.
Штруктура и росплоджѣня Бактериофагы суть выразно меншы од бактерий, их великость ся звычайко колыше в границях 20-200 нм. Типичный бактериофаг мать головку и хвостик. Головка складать ся з протеиновой капсиды, котра в собѣ обсягуе генетичный материал — нуклеовы квасы: DNA або RNA. Хвостиковы волокна и закладна плоха зоз клинцями служать, жебы ся прихопити ку поверху бактерии. Бактериофаг выпустить фермент, котрым ся роспустить стѣнка бункы бактерии, а через каналик выпустить до бункы свои нуклеовы квасы. Под их вплывом синтеза протеинох бактерии заставить ся, а зачне ся синтеза нуклеовых квасох и протеинох бактериофага. Так ся выплодить нова генерация бактериофагох и зачне жерти новы бункы.Бактериофаги.
То ся тыче вирулентных фагох, але суть тыж симбиотичны фагы, котры не знищують бактерии, лем сполужиють з нима.
Выхоснованя в науцѣ Батериофагох в природѣ е велике множество. Суть монофагы, котры паразитують лем на едном видѣ бактерий, а суть полифагы, котры ся плодять на веце видах. Практично каждый вид бактерий мать и свой бактериофаг.
Штудованя бактериофагох давать знаня о многых проблемах дѣдичности и перемѣнчивости. Бактериофагы успѣшно хосновали в лѣчѣню инфекчных хворот (тифус, холера, чума и др., в сучасности з росширѣньом антибиотикох, тото выхоснованя ся зузило.
Жерела и одказы Тимченко А. Д. Краткий медико-биологический словарь. Киев. Вища школа. 1988. . Бактериофаги. //Большая Советская Энциклопедия.
Референции
Катеґорія:Микробиология