Высшы ссавцѣ (Eutheria), од εὐ-, eu- "добре" або "праве" и θηρίον, thēríon "звѣря" циже "правы звѣрята"– инфраклас живородных ссавцьох. Вшиткы днесь екзистуючы Eutheria, их послѣдный общый предок и его вымерлы потомкы належать ку плаценталом.
Од иншых ссавцьох, вырозняють ся Eutheria розличныма фенотипичныма властностями своих ног, кецеленок, вилиць и зубох. Главным роздѣловым знаком Eutheria, котрым ся оддѣляють од низшых ссавцьох, е абсенция торбовых косток, што не ограничать росширѣня бриха в часѣ выношованя плода.
Найстаршый днесь познатый представитель Eutheria — вид Juramaia sinensis, котрый жив около 160 млн рокы тому.
Eutheria vs Placentalia Давнѣйше назву Eutheria брали як синоним Placentalia, але в сучасности переважать позиция, же тото суть окремы таксоны.Maureen O'Leary и др. The placental mammal ancestor and the post-K-Pg radiation of placentals. „Science”. 339 (6120), s. 662–667, 2013. DOI: 10.1126/science.1229237
В року 1872 Теодор Гилл описав Eutheria так, же зараховав там и торбарьох Marsupialia и их предкох, але в сучасной дефиниции, котра е од Томаса Генри Гаксли, 1880, торбарѣ Marsupialia не входять до Eutheria.Eutheria (Placental Mammals) by J David Archibald, San Diego State University, San Diego, California, USA. PDF file from sdsu.edu
В сучасности понятя Eutheria е ширше од Placentalia: Placentalia обнимать вшиткы днесь ествуючы плаценталы и их послѣдного общого предка; Eutheria обнимать вшиткы Placentalia, а плус ку тому вшиткы вымерлы ссавцѣ, котры мають послѣдного в часѣ общого предка зоз плаценталами, а не з торбарями.
Референции