Ива́н О́лбрахт ( ; властным меном Ка́мил А́лбрехт Зе́ман, ; *6. януара 1882, Семилы – †30. децембра 1952, Прага) — быв чешскый писатель, прозаик, публициста, новинарь и перекладатель нѣмецкой прозы, народный умѣлець (1947).
Биография Иван Олбрахт родив ся в фамилии адвоката и лѣвоориентованого писателя Антала Сташка (властным меном Антонина Земана). Гимназию выстудовав в Дворѣ Кралове над Лабем, учив ся на Карловой универзитѣ, але не докончив. Од року 1905 працовав яко новинарь в социалистичных и коммунистичных новинках. За свои надмѣрно лѣвы погляды быв два раз арештованый (1926, 1928). В роках 1921–1929 быв членом Комунистичной партии Чехословакии (КПЧ), але коли выступив з критиков линии партии в числѣ семерох коллег, вшиткы семеро были з партии вылучены.
В роках 1931–1936 навщѣвовав Подкарпатску Русь, заложив там Комитет на захрану працуючого люду Подкарпатской Руси, школу з интернатом. На материалах и зажитках зо свого побыту на Подкарпатской Руси написав творы, котры стали ся вершинов его творбы.
Року 1946 быв зволеный на посланця парламенту яко одновеный член КПЧ и заступовав тоту функцию до року 1948. Быв членом централного комитету КПЧ.Přehled funkcionářů ústředních orgánů KSČ 1945-1989 http://www.cibulka.net/nnoviny/nn2000/nn10_1100/obsah/02.htm По фебруаровом переворотѣ стояв у веденю цензурового комитета, котрый мав задачов вычищати библиотекы од „шкодливой литературы“. PÁVOVÁ, Jana. Demagog ve službách strany. Portrét komunistického politika a ideologa Václava Kopeckého. Praha : Ústav pro studium totalitních režimů, 2008. 192 s. S. 96.
Творба В первой добѣ его творчости (1913–1928) найвекшу часть тем творили социалны вопросы и протест против буржоазной сполочности. З той добы найлѣпше познатый е роман Анна пролетарка (1928).
В далшых роках быв часто на Подкарпатской Руси и быв тым крайом очарованый, что зробило значный вплыв на его творчость. Земля без мена (1932), репортажѣ и публицистика Никола Шугай, розбойник (1933), роман, котрый му зробив славу Ivan Pop. OLBRACHT Ivan *1882 †1952: Уже до року 1939 тот роман быв в Чехах перевыданый 11 раз. Горы и столѣтя (1935), продовжѣня репортажно-публицистичных тем Голет в долинѣ (1937), повѣданя о животѣ Жидов и Русинов Подкарпатской Руси
В концевой добѣ своей творчости (1939–1947) написав даколько дѣтскых и молодежных книг и едну драму. Про молодеж написав выклад библийных историй яко историю старожидовского народа, выклад чешской митологии и староиндийскых байок.
Популарность Творы Олбрахта, иншпированы Подкарпатсков Русьов, вызнаны за вершину его творчости. Року 1972 они были зобраны догромады и выданы в едном томѣ под назвов Закарпатска трилогия.Rudolf Havel, Doslov // Zakarpatská trilogie, Ss.443–453. На их основѣ много раз накручены филмы, реализованы драматичны представы и музыкалы. Популарность у читателя забезпечать му его майстерный выклад и прекрасна чешчина, за котру читатель готовый му одпустити его политичну заангажованость. Олбрахт зробив добру рекламу про туристичный рух з Чехии до Колочавы и околицѣ: многы его читателѣ рѣшили ся ити там под вплывом его романтичного описа Подкарпатской Руси и дефинитивной симпатии автора ку ей обывателям. В Колочавѣ на основѣ того интереса створеный музей Ивана Олбрахта и поставленый памятник писателю.
Жерела Ivan Olbracht. Zakarpatská trilogie. Svoboda. Praha, 1972. Ivan Pop. OLBRACHT Ivan *1882 †1952. https://www.rusyn.sk/olbracht-ivan-1882-1952/ Иван Олбрахт. Смутні очі Анцї Караджічової. ПоліПрінт. Ужгород, 2001.
Одказы
Ivan Olbracht (1882 - 1952) - životopis Олбрахт, животопис и творба Олбрахт на сайтѣ Jewish virtual library Иван Олбрахт. Смутні очі Анцї Караджічової Ольбрахт и Колочава
Референции
Катеґорія:Чешскы писателе Катеґорія:Посланцьове парламента Катеґорія:Чешскы новинаре Катеґорія:Персоналии 20. стороча