Шпортовый клуб Русь Ужгород — славотна фотбалова дружина учительох Подкарпатской Руси 1920-1940-х рокох.Поп И., с. 330.
История клуба ШК Русь Ужгород быв створеный 15. августа 1925. Его емблемов став ся герб Подкарпатской Руси з надписом СК Русь, в червеных и зеленых фарбах. Клуб збудовав штадион в Ужгородѣ, в року 1929 став ся шампионом Подкарпатской Руси, неодовго и Словакии (1933, 1936). Зато, же од року 1934 фотбалисты ШК Русь яко первы в Чехословакии лѣтали на свои мечи по републицѣ на аеропланѣ, достали назывку «лѣтаючы учителѣ». Од року 1935 клуб грав во высшой националной фотбаловой лизѣ Чехословакии. Часто в драматичных ситуациях выгравав над славотныма фотбаловыма клубами Прагы, Злина, Градця Кралове. Клуб став ся своефайтовов народнов гордостьов Русинох Чехословакии. В 1938-1944 ШК Русь грала в майстровствѣ Мадярщины в первой фотбаловой лизѣ. По приходѣ в Подкарпатску Русь Червеной армады и прилучѣню края ку СССР, восени року 1944, клуб был роспущеный.
Меджи найславнѣйшыма бавячами клуба быв непобѣдимый брамкарь Алекса Бокшай и резервный брамкарь Василь Федак, познатый организатор подкарпатского фотбала, а по року 1944 арештант ГУЛАГа. Тренер клуба: Отто Мазал-Шквайн.Профиль клуба Русь Ужгород.
Еще еден ШК Русь Подкарпаторуска Жупа Фотбалова мала 12 шпортовых клубох, меджи нима быв тыж ШК Русь Хуст.Василь Федак. Организация футбола, с. 69. Тот клуб закладеный быв в року 1934, але быв значно слабшый и нигда не грав во высшой лизѣ, хоть в року 1938 мав на то надѣю.Як грали футбол наші предки 80 літ тому?
Жерела и одказы Поп, И. Энциклопедия Подкарпатской Руси. Ужгород: Изд-во В.Падяка, 2001. 431 с. ISBN 966-7838-23-4 Василь Федак. Организация футбола. Изданіе Подкарпаторуськой Жупы Футболовой. Ужгород, 1936. Профиль клуба Русь Ужгород. 87 років тому було створено СК "Русь". //Закарпаття онлайн. 2012.08.15 Як грали футбол наші предки 80 літ тому? //LOBDA Референции
Катеґорія:Шпортовы клубы