Експресионизм, од expressio — выражѣня, прояв чутя — напрям в литературѣ и умѣню первой четвертины 20. стороча, прогласившый единов реалностьов субъективный духовный свѣт чоловѣка, а главнов задачов умѣня — его выражѣня.Прохоров А. М., с. 1546.
Характерным про тот напрям е мотив болю и крика.
Експрессионизм быв выразом индивидуалистичного протеста против калѣкости модерной цивилизации, чутя одсуджености и страха перед пониженьом чоловѣка и войнами. Туга по експресии, острому самовыражѣню вела ку напятости емоций, гротескной ламаности, ирационалности образох, деформации привычных представлѣнь о свѣтѣ.
Представникы Тот напрям ся переважно розвивав в литературѣ, филмѣ, музыцѣ, малярствѣ в Германии и Австрии. Представникы: писатели Г. Кайзер, В. Газенклевер в Германии, Ф. Верфель в Австрии; малярѣ Е. Нолде, Ф. Марк, П. Клее в Германии, О. Кокошка в Австрии; композиторы А. Шенберг, А. Берг в Австрии; филмовы режисеры Ф. В. Мурнау, Р. Вине, П. Лени в Германии. В рамках експресионизма взникли ранны взоркы абстракчного умѣня: В. Кандинскый.
Жерела и одказы Прохоров А. М. (гл. ред.). Большой энциклопедический словарь. Москва: Советская энциклопедия, 1993. 1630 с.
Референции
Катеґорія:Умелецькы напрямы