Василь Стефан Курилло (*11. августа 1861, Липье, повѣт Бещадскый, гмина Чарна, Австро-Мадярщина — †11. марца 1940, Подемщина, СССР, дн. Польща)Богдан Горбаль: Курилло Василь.Сайт Родовід. — грекокатолицкый священик, Министер заграничных дѣл Лемковской републикы Флоринкы.
Биография В року 1882 закончив гимназию в Перемышлю. Фахову освѣту достав в духовных семинариях Львова (1882-1885) и Перемышля (1885-1886).
Рукоположеный в року 1887. В роках 1887-1889 быв администратором парохии Камяна, наступно в роках 1889-1891 администратором парохии Устя Руське. В роках 1891-1910 парохом в Мацинѣ Великой, в роках 1910-1930 парохом во Флоринцѣ, наступно парохом в Подемщинѣ. В роках 1924-1926 декан грибовского грекокатолицкого деканату.
За свое русофилство быв на подозрѣню у влады и в часѣ войны з Россиев быв интернованый в Талергофѣ (1914-1917), де склав спис 1915 арештантох Лемкох. По навернутю до Флоринкы быв активным участником вшиткых акций Лемковской републикы Флоринкы.
Не подтримовав проукраинску политику Грекокатолицкой Церкви, але ани не переход з той причины на православие. Зато, же не удержав велике число своих парохианох од перехода на православие быв в року 1930 покараный переводом з Флоринкы на восток до парохии Подемщина и уже нигда не вернув ся на родну Лемковину.
Родина Найблизшы члены родины: отець Теодор Курилло, *02.02.1818, Высова, Горлицк. повѣт — †25.07.1881, Хащов, Турк. повѣт мати Юлиана Таворска (Курилло) жена Мария Константинович (Курилло), *23.12.1886 — †06.07.1954 сын Теофил Курилло, *22.10.1891, Роздѣля, Горлиц. повѣт — †01.10.1945, Тошек, концлагер сын Зенон Курилло, 25.01.1893 — †14.09.1942, Подемщина дѣвка Володимира Курилло
Жерела и одказы Dmytro Błażejowśkyj: Istorycznyj szematyzm Peremyskoji Eparchiji z wkluczennjam Apostolśkoji Administratury Łemkiwszczyny (1828-1939), Lwów 1995, Tadeusz Olszański: Ruska Ludowa Republika Łemków. Nowe spojrzenie w przededniu osiemdziesiątej rocznicy. Magury'98. Сс. 25-36, 1998. Studenckie Koło Przewodników Beskidzkich. ISSN 1505-4993 Доступно онлайн Богдан Горбаль: Курилло Василь. //Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. — 856 c.+ХХХІІ с. Сс. 384-385. Василь Стефан Курилло на сайтѣ Родовід.
Референции
Катеґорія:Лемковска република Флоринкы Катеґорія:Русиньскы церьковны дїятелї