Джером Дейвид Селинджер, Jerome David Salinger, *1. януар 1919, Ню Йорк , США — †27. януар 2010, Корниш, Ню Гемпшир, США — америцкый писатель, автор романа-бестселера Охранця в жытѣ (1951). По своем ранном успѣху з публикациями повѣдань и романа Охранця в жытѣ Селинджер перейшов до необычайно закрытого од свѣта способа живота, в року 1965 напечатав свою послѣдну роботу, а в року 1980 дав свое послѣдне интервью.
Биография и творчость Селинджер вырос в Ню Йорку и зачав писати повѣданя в середной школѣ. Дакотры были публикованы в литературном журналѣ Повѣданя (Story)"J. D. Salinger". EXPLORING Novels. Detroit: Gale, 2003. Web. November 9, 2010. в зачатку 1940-х, еще до того як пошов служити до войска и быв участником Другой свѣтовой войны. В року 1948 в авторитетном Ню-йорчанѣ The New Yorker появило ся его оцѣнене критиками повѣданя Добрѣ ся лапле бананова рыбка, и в том журналѣ пак печатало ся много его позднѣйшых робот. Роман Охранця в жытѣ быв опубликованый 16. юла 1951 и нараз ся став популярный. Змальоване в ньом одчуджѣня и психологичне дозрѣваня главного героя, 16-рочного Голдена Колфилда, мало вплыв наймя меджи читателями пуберталного вѣку: быв то «манифест, вѣросповѣданя цѣлой генерации».Зверев А. М., сс. 5-24. Роман зоставать донынѣ широко читаный и контроверзный, продавать ся около 250 000 екземплары рочно.
Успѣх Охранцѣ в жытѣ збудив сполоченскый интерес и остру увагу ку автору. Селинджер закрыв ся од свѣта, рѣдко публиковав новы роботы. Была то зберка Девять повѣдань (1953); книжка з повѣданьом и повѣстьов Фрэнни и Зуи (1961); повѣсти Дайте высшу стрѣху, тесарѣ и Сеймур: вступ (1963). Его послѣдна опубликована робота, повѣсть, названа Гепворт 16, 1924, появила ся в Ню-йорчанѣ (The New Yorker) 19. юна 1965. По сему Селинджер боров ся з нежаданым интересом ку его особѣ, включаючи судовы процесы 1980-х рокох з биографом Яном Гамилтоном и авторками, выпустившыма мемуары в конци 1990-х рокох, двома ему близкыма людми: Джойс Мейнард, бывшов любовницьов; и Маргарет Селинджер, властнов дѣвков.
Селинджер умер от природной старобы в своем домѣ в Корниш, штат Ню Гемпшир.
Интересны факты В новембру 2013 три неопубликованы повѣданя Селинджера были накурто опубликованы в Интернетѣ. Едно з них, Океан, повный кульок на бовлинг, поважуе ся за прототип Охранцѣ в жытѣ.
Жерела и одказы Зверев А. М.: Сэлинджер: тоска по неподдельности. //Сэлинджер Джером Дэвид. Над пропастью во ржи / Повести / Рассказы. — М.: НФ «Пушкинская библиотека», ООО «Издательство АСТ», 2004. — 863, (1] с. — (Золотой фонд мировой классики). (НФ «Пушкинская библиотека») / (ООО «Издательство АСТ»)
Референции
Катеґорія:Англоязычны писателе