Теребле-Рѣцка гидроелектрарня — гидроелектрарня в Хустскому районѣ Закарпатской области, розмѣщена в долинах рѣк Тереблѣ и Рѣкы.Енциклопедія українознавства, т. 8, с. 3169.
Параметры гидроелектрарнѣ Збудована в роках 1949–1955, в роботѣ од року 1956. Выкон 27 МВт, середньорочна продукция 123 млн кВт·год. Водоем гидроелектрарнѣ мать обсяг 23,7 млн м3 и плоху водного зеркала 1,6 км2.
Проект Проект выпрацовав зачатку 1920-х чехословацкый инженер Крижка. Подля него воды Тереблѣ, котра ту тече о 210 м высше и в оддалѣню лем 4 км од Рѣкы, мали быти акумулованы преградов 46 м высоков в обсягу 45 млн м3, а пак выхосновуючи понад 200-метровый спад через бетоновый тунел и оцѣльову трубу двохметрового диаметра рутити ся на три пелтоновы турбины. Тот проект не мав пары в свѣтѣ и быв автором запатентованый. Але в року 1923 в Ужгородѣ одбыла ся конференция чехословацкых гидроенергетикох, и было рѣшено будовати спочатку каскадну гидроелектрарню в Ужгородѣ, котра коштовала 27 млн корун, а проект Теребле-Рѣцкый за 200 млн корун мав чекати на лѣпшы часы.Ing. JAN JIRSA.
Реализация проекта Лѣпшы часы настали аж по 22 рокох, коли Совѣтскому Союзу подарило ся забрати Подкарпатску Русь од Чехословакии и была потреба на кажду киловаттгодину. Же быв проект патентованый, з того собѣ нич не робили. Тыж добрѣ пришло, же Финландия, як програвша войну мала выбудовати про СССР даколько промысловых объектох, а меджи нима и Теребле-Рѣцку гидроелектрарню. Ставбу зачали в року 1949, проект инженера Крижкы не дознав жадных змѣн: три пелтоновы турбины, кажда на выкон 9 МВт, една за другов, довъедна 27 МВт. Од року 1956 крутять ся непрерывно и понынѣ, накурто ставали лем тогды, коли рѣка пересыхала.
Совѣтскы новинкы и книгы писали, же Теребле-Рицка гидроелектрарня стала ся «стѣлеснѣньом смѣлой творчой мысли совѣтскых инженерох».Советское Закарпатье. Справочник-путеводитель, с. 53. Из зоны затоплѣня были переселены 186 газдовств, велика часть из них до Батьова.Ігор Меліка.
Жерела и одказы Ing. JAN JIRSA: Ukradený projekt aneb padesát let elektrárny Terebla-Rika //Podkarpatská Rus - časopis Společnosti přátel Podkarpatské Rusi, 16. ročník, č. 2/2006. С. 7. Доступно онлайн (pdf) Советское Закарпатье. Справочник-путеводитель. — Ужгород, «Карпаты», 1968. 224 с. Енциклопедія українознавства. У 10-х т. / Гол. ред. Володимир Кубійович. — Париж; Нью-Йорк: Молоде Життя, 1954—1989. Ігор Меліка: ТЕРЕБЛЕ-РІЦЬКА ГЕС – СТРАТЕГІЧНИЙ ОБЄКТ В КАРПАТАХ. (ФОТО)
Референции
Катеґорія:Енергетика