Комунистична партия Западной Украины (КПЗУ) взникла як наступниця Комунистичной партии Восточной Галичины (КПВГ). 23. юна 1923 створила свой Централный комитет, де два окремы напрямы подля рекомендаций Коминтерны злучили ся на единой платформѣ. Партия в октобрѣ 1923 на зъѣздѣ Комунистичной партии Польщи (КПП) была затверджена як крайова зложка КПП з правом окремых зъѣздох, конференций и автономной роботы в границях директив КПП. Тоты директивы были тыж направляны Коминтернов и включали жаданя «возъеднаня западных украинскых земель з совѣтсков Украинов».Енциклопедія історії України, т. 4, сс. 507-509.
Криза 1927 В року 1919 КПВГ мала лем 180 членох. По злучѣню конкуруючых напрямох ряды членства КПЗУ зачали рости: 1924 — 1800, 1925 — 3243. Але од року 1925 дакотры члены веджѣня зачали выказовати несуглас з политиков закончѣня украинизации, котра ся реализуе на Украинѣ, што наконець вело ку отвореному росколу партии в року 1927 на КПЗУ(векшины), котра была несогласна, и КПЗУ(меншины), котра была согласна. 18. фебруара 1928 Выконный комитет Коминтерны на основѣ скаргы од КПЗУ(меншины) вылучив веджѣня КПЗУ(векшины) и тых, котры были з нима, з партии и Коминтерны. Чоловы особы КПЗУ(векшины) Й. Кролик и Р. Кузьма, котры неосторожно одышли до СССР были арештованы, засуджены, а неодовго и застрѣлены. Членство в року 1928 упало до 629 особ.
Криза 1933 Далша криза настала в року 1933 з поводу политикы насилной колективизации в УССР и наставшого там голода. Челны особы тогдышного веджѣня КПЗУ(меншины) М. Заячковскый и Г. Иваненко были позваны до СССР и подля штандарной схемы арештованы, засуджены и знищены. Соткы членох партии, котры на тот час были в СССР, были репресованы.
Ликвидация 1938 Репресии вели до утраты членства и вплыву меджи обывательством. Веджѣня партии теперь чинили переважно Жидове и Поляци. В року 1938 КПП, а въедно з нев и КПЗУ, рѣшѣньом Выконного комитета Коминтерны были роспущены як такы, в котрых «веджѣня перешло до рук неприятельской агентуры». Позднѣше было вызнане, же тота ликвидация была бездоводна.Украинский советский энциклопедический словарь, том 2, с. 109.
Жерела и одказы Енциклопедія історії України : у 10 т. / Смолій В. и др. (ред.). Інститут історії України НАНУ. — К. : Наук. думка, 2003-2013. ; том 4 Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 2. Хрущев Н. С.: Время. Люди. Власть (Воспоминания) Книга І. Глава: Начало Второй мировой войны
Референции
Катеґорія:История Украины Катеґорія:История Польщи Катеґорія:Организации в Польщи Западна Украина