Йи́ржи Га́нзелка, Jiří Hanzelka; *24. децембер 1920, Штрамберк, Чехословакия — †15. фебруар 2003, Прага, Чехия — чешскый путователь, писатель, новинарь, сценариста и филмарь.
Биография Отець быв роботник и шофер. Йиржи Ганзелка в Празѣ абсолвовав торговелну академию (матуровав в року 1938) и зачав штудии на Высокой школѣ торговлѣ, де ся спознав з Мирославом Зикмундом. Понеже под нѣмецков окупациов высокы школы были закрыты, зыскав фахову освѣту земледѣлску (1941) и працовав яко земледѣлскый роботник, а пак урядник в Кооперативѣ Прага (1942–1945). Жадану высокошколску диплому и титулу инженера зыскав по войнѣ в року 1946. В роках 1947–1950 путовав з Мирославом Зикмундом Африков и Латинсков Америков, а в роках 1959–1964 Азиев и Океаниев. В роках 1968–1969 працовав яко торговелный аташе чехословацкой амбасады в Штокголмѣ, але понеже заняв критичну позицию односно окупации Чехословакии в добѣ нормализации стратив пост и в роках 1979–1982 працовав яко заградник в Семинарской заградѣ в Празѣ, пак похворѣв ся и одышов на инвалидну пензию. Од року 1990 быв економичным радником на Предсѣдництвѣ влады Чехословакии, в року 1990 одышов на пензию. Останок живота терпѣв на здоровелны проблемы.Jiří HANZELKA. //Slovník české literatury po roce 1945.
Творба З малов выимков вшытка творба Ганзелкы е практично и правно сполуавторством з Мирославом Зикмундом, и была тота авторска пара означована критиков и читателями куртанков H+Z або Z+H. Их репортажѣ зыскали во своей добѣ небывалу популарность. Музей юговосточной Моравы во Злинѣ в року 1977 достав од сполуавторох цѣлый их архив, котрый официално презентованый под значков Archiv H+Z.
В штатистицѣ того музея зазначено, же перевандровали 107 держав, написали о том 18 книг, котры мали 143 выданя в 11 языках, а тыж вытворили 147 репортажных и 4 повнометражны филмы.Miroslav Zikmund (* 14. 2. 1919 Plzeň) – český novinář a cestovatel.
Вызнаменаня В року 1993 Ганзелка и Зикмунд зыскали за цѣложивотну творбу Награду Егона Ервина Киша, котра ся признавать за литературу факту; в року 1999 Медалию За заслугы II. ступня; в року 2000 Награду Министра екологии; в року 2002 Artis Bohemiae Amicis (Приятелям чешского умѣлства).
См. тыж (10173) Ганзелказикмунд Мирослав Зикмунд
Одказы Jiří HANZELKA. //Slovník české literatury po roce 1945 (ФОТО) Jiří Hanzelka. //Česko-Slovenská filmová databáze Miroslav Zikmund (* 14. 2. 1919 Plzeň) – český novinář a cestovatel //HedvabnaStezka.cz cestovatelský portál
Референции
Катеґорія:Вандровници Катеґорія:Чешскы писателе Катеґорія:Вандрописателе