Верховинскый вододѣл — горске пасмо на западѣ Восточных Карпат, оддѣляюче базены Латорицѣ, Рѣкы и Уга на югу од базена Стрыя на сѣверѣ. Верховинскый вододѣл е западнов частьов общого вододѣла украинской части Восточных Карпат.Анучин В.А., с. 81.
Опис Полога и характер Пасмо зачинать ся на западѣ при Ужоцком перелазѣ, тягне ся восточным напрямом и закончуе ся на востоку при Торуньском перелазѣ. Южны убочи суть прикры и зарвисты, а сѣверны — гладко спадисты. Линия гребѣня кривуляста, а до высот 1200 — 1250 м н.м. покрытый смереково-буковыма лѣсами, высше того яфиновыма поростами, еще высше — травами. Геологично складеный переважно з пѣсковцьох.Лящук Б.Ф.: Вододільний хребет. На юг од Верховинского вододѣла лежить Верховина, найгустѣйше заселена територия в горской части Закарпатской области.Лящук Б.Ф.: Верховина. Туристика Гребѣньом вододѣла иде пѣшый путь, што робить го популарным про туристику. Ту ишла стара границя Мадярщины, а пак Чехословакии, и на многых мѣстах мож видѣти стары граничны знакы, што можуть служити ориентиром. Гребѣнь перетинають автодорожны и желѣзничны перелазы, суть то зо запада на восток: Ужоцкый (859 м н.м., автодорога, желѣзниця) Латорскый (770 м н.м., нова автодорога M-06) Верецкый (841 м н.м., автодорога) Воловецкый (1014 м н.м., желѣзниця) Торуньскый (941 м н.м., автодорога)
Жерела и одказы Анучин В.А.: География Советского Закарпатья. — Москва: Географгиз, 1956. 296 с., карта. Лящук Б.Ф.: Вододільний хребет. //Географічна енциклопедія України: В 3-х т. Редкол.: О. М. Маринич (відп. ред.) та ін.— К. «Українська енциклопедія» ім. М. П. Бажана, 1989—1993. Т. 1: А—Ж.— 416 с: Сс. 203–204. Лящук Б.Ф.: Верховина. Ibidem, с. 164
Референции
Катеґорія:Карпаты