Юрий Гойда — *15. марец 1919, Зняцьово,Подля литературознателя Ю. Туряницѣ, а тыж музея Гойды, Юрий Гойда ся родив в приселку Драгыня села Зняцьова, котрый по часѣ осамостатнив ся. Руська Крайна — †2. юн 1955, Ужгород, УССР — поет и публициста на Подкарпатской Руси и в Украинѣ. Поп Іван. Поп Иван.Хланта І.В. (Енциклопедія Закарпаття)
Биография Штудии Юрий Гойда походив з «худобной»В реалности Гойдова родина была заможна, як подавать Музей Гойды, але подля правил соцреализма мала быти змальована яко худобна. селянской родины. Абсолвовав Ужгородску реалну гимназию и природно-географичну факулту Дебреценской универзиты (1944). В гимназиалных роках зачав писати поезию (по русскы). В року 1943 вышла му перва поетична зберька Живая синь (1943) з темами социалныма и лирично-романтичныма.
Карьера По войнѣ выучуе географию в Мукачовском педучилищу, пак е ведучым литературной секции Областного Дома народной творчости, редактором главной областной новинкы Закарпатска Правда. В обстоянях нового, совѣтского, режима зачав писати по украинскы и довгы рокы быв на посту предсѣдника-еднателя Закарпатской областной секции Сполку писательох Украины (1947–1954). Ставать ся официалным поетом соцреализма, а каждорочно му выходять зберькы поезий, в котрых оспѣвуе «оброду» отцюзнины под совѣтсков владов и радость «воззъеднаня» з Украинов. Занимать важны посты яко член обкома комунистичной партии, депутат областной рады, член умѣлецкой рады областной филгармонии, редактор алманаха «Радянське Закарпаття» (Совѣтске Закарпатя), член редакчной колегии часописа «Жовтень» (Октобер).Пагиря Василь.
Творчость и карьеру Юрия Гойды урвала передчасна смерть при чудных обстоянях. В музею Гойды мож видѣти печатну машинку, на котрой в день своей смерти напечатав свой послѣдный верш «Україні». Туряниця Ю.
Творба Окрем выданя властных зберьок, выступав з окремыма вершами в областных, всеукраинскых и заграничных новинках и часописах, алманахах и антологиях, перевыдавав ся и посмертно. Двѣ его книгы вышли в перекладѣ по русскы, а окремы вершы перекладены на вецей языкох. Немало верши змузыкалнены вызнамныма композиторами.
Екзистуе тыж думка, же соцреалистична творчость Гойды безвартостна, а «литературну вартость мають лем его дѣточы поезии, лирика и переклады з мадярской поезии».
Честь памяти Посмертно Ю. Гойдови была признана областна литературна награда Дмитра Вакарова за цѣложивотну творчость (1966). В Ужгородѣ в районѣ Галагов и в Мукачовѣ в районѣ Росвигово суть улицѣ, што несуть его имя. В Зняцьовѣ его имя несе середня школа, де ся учив, а в школѣ тыж фунгуе Музей Юрия Гойды. (Музей Юрия Гойды, ФОТО) В Ужгородѣ на будинку, де жив Юрий Гойда, умѣщена памятна табла. ФОТО
Жерела и одказы Пагиря В.: Юрій Гойда. //Василь Пагиря. Я світ узрів під Бескидом... Сторінки історії. — Ужгород: Карпати, 1993 — 227 с. Поп Іван: Ґойда Юрій (Гойда Георгій). //Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. — 856 c.+ХХХІІ с. С. 165. Поп Иван: Гойда Юрий. //Поп, И. Энциклопедия Подкарпатской Руси. Ужгород: Изд-во В.Падяка, 2001. 431 с. Сс. 137–138. Хланта І.В.: Гойда Юрій Іванович. //Енциклопедія Закарпаття. Визначні особи ХХ століття. Закарпатський осередок НТШ. Під наук. ред. Довганича О.Д. «Гражда». Ужгород, 2007. Сс. 95–96. Туряниця Ю.: Юрій Гойда — співець рідного Закарпаття. //Закарпаття онлайн. 31.05.2007 Хланта І.В.: Гойда Юрій Андрійович. //Енциклопедія сучасної України. (ПОРТРЕТ) Музей Юрия Гойды (ФОТО) Будинок, же жив Гойда в роках 1951–1955, ФОТО
Референции
Катеґорія:Украинскы поеты Катеґорія:Русскоязычны поеты Катеґорія:Педаґоґы