Се́рбы Срби — южнославянскый народ, представителѣ котрого жиють в Сербии, Чорной Горѣ, Боснии и Герцеговинѣ, Хорватии, Германии, Австрии и другых штатах. Обще число особ около 12–13 млн. Основна конфесия — православие.
Сербскый язык належить ку славянской групѣ индоевропской родины.
История и култура Сербы появляють ся на Балканском полуостровѣ в 6. сторочу.Всемирная история в датах и событиях, с. 115. В 9. сторочу створюють сербске княжество, в 13. – 14. сторочу значно росширюють свои границѣ, але в року 1389 терплять поражку на Косовом Поли и на пять сторочи трафляють под владу Османской империи, пак Австро-Мадярщины, што лишило печать на сербской културѣ.
Сербы аж до 20. стороча мали два типы родины: проста, обычайна, мала и велика, росширена, так называна задруга, до 50 и веце людей, котры вели сполочное газдовство. Тота форма сполоченского живота была у давных славян, але Сербы захранили ю аж донедавна. Серед календарных и родинных обычайох шпецифичным е православна традиция Слава, коли ся славить день святого, котрый е патроном рода (групы родин), або даколи и цѣлого села. Характерным танцьом Сербох е карѣковый танець коло.
Вызнамны особы Святый Сава (1169–1236) — главна политична особность в добѣ росширѣня Сербского княжества, первый сербскый архиепископ Вук Караджич (1787–1864) — народный будитель, реформатор сербского языка Никола Тесла (1856–1943) — физик
Жерела и одказы Всемирная история в датах и событиях. Москва: ОАО Изд-во «Радуга», 2002 — Chronologie universelle/ Paris: Larousse, 1997 Кашуба М.С.: Сербы. //Народы и религии мира: Энциклопедия / Гл. ред. В. А. Тишков, Редкол.: О. Ю. Артемова, С. А. Арутюнов, А. Н. Кожановский и др. — М.: Большая Российская энциклопедия, 1999. - 928 с: ил. Сс. 477–480.
Референции
Катеґорія:Народы і етніка Катеґорія:Славяне