Онтарио, Ontario — озеро в групѣ Великых озер на югу Канады и сѣверѣ США.Трёшников А.Ф., с. 356.
Озеро леднякового типа, створило ся перед около 11 тыс. роками. З розлогы 19 000 км2 Канадѣ припадать 10 000 км2. В околици озера жие згруба четвертина обывательства Канады и ту е промысловый центер державы.N. Rukavina, Farrell M. Boyce
Гидрология Онтарио е восьмый найвекшый резервуар питной воды в Сѣверной Америцѣ. Вода в озерѣ цѣлком ся обновлять за 8–10 рокы. Вдякы приплыву теплого воздуха од югозапада, отворены воды озера рѣдко замерзають взимѣ. Од новембра до мая воды озера суть добрѣ перемѣшаны и мають едну теплоту, од юна по октобер выокремлять ся горѣ до глубины 10–20 м тепла вода, а под нев студена, в глубинѣ под 100 м теплота через вшиткы сезоны практично немѣнна — под 5°C.
История Первый европан навщѣвив озеро в року 1615, а быв то быв Етьен Брюле (Étienne BRÛLÉ), торговець кожушинами. Поважуе ся, же назва Онтарио индианска и означать прекрасне озеро, первый раз появила ся на европскых мапах в року 1641, але конфликт меджи Англичанами и Французами з их домородыма споенцями бранив тому, жебы ся край заселив. Аж в року 1763, коли на територии остаточно запановали Англичане, зачало ся поступне осадництво. Первы осадници были ловцѣ и торговцѣ кожушинами. Далшый военный конфликт, тот раз меджи США и Великов Британиев одограв ся в роках 1812–1814, з той войны на днѣ озера при устю Ниагары были найдены двѣ затоплены шифы.
Жерела и одказы Трёшников А.Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с. N. Rukavina, Farrell M. Boyce: Lake Ontario. //The Canadian Encyclopedia.
Референции
Катеґорія:Озера Канады