Гай Меце́нас, або Гай Ци́лний Меце́нас, (родженый около року 70 до РХ – умер року 8 до РХ) — давноримскый дипломат, радник и близкый приятель Октавиана Августа, покровитель поезии.Gaius Maecenas, Roman diplomat and patron.
Дипломат и радник Походив з ноблесной богатой родины и провадив живот в роскошах. Вдякы походжѣню и величезному богатству, котре достав в наслѣдство, але еще веце вдякы близкому приятельству и вплыву на Октавиана Августа, зыскав собѣ высоке поставлѣня в сполоченствѣ. Хоть не занимав жадный урядный пост и зрюк ся политичной карьеры, фактично стояв высше хотькотрого сенатора. Выконовав довѣрны и тайны дипломатичны мисии, онешкоднив комплот против императора. В часѣ, коли император не быв в Римѣ, фактично быв его неформалным регентом въедно з формалным, Агриппом.
Покровитель над поетами В богатом домѣ Меценаса зберали ся поеты, меджи котрыма были и такы величины як Вергилий, Гораций, Проперций и др. Его щедре покровительство зробило го живым символом такого рода дѣятельства, а имя его стало ся апелативом. А мало котрому з его наступникох пощастило так як ему, же зостав увѣчненым во вызнамных творах римской литературы од сих трьох авторох. Не было тото покровительство без дипломации, а удало ся му хоть лем Вергилия и Горация привернути ку темам сполоченскым, а так выхосновати гениалных поетох на службу прославлѣня императорского режима.
Меценас быв не лем добрым покровительом поезии, але и сам пробовав писати вершы и прозу. В том, вшак, не быв такый успѣшный, его неприродный и выпарадженый штил высмѣевав уже его приятель, император Август.Révai nagy lexikona, том 13, сс. 107–108. Высмѣвали ся з его невыгоблованого штила прозы тыж Сенека и Квинтилиан.
Жерела и одказы Maecenas, Gaius Cilnius. // Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Gaius Maecenas, Roman diplomat and patron. // Encyclopaedia Britannica
Референции
Катеґорія:Дипломаты Катеґорія:Меценашы