Етимология як оддѣл языкознаня, έτυμολογια < ετυμον истина, основне значѣня слова + λογος понятя, учѣня — наука, котра выгледуе походжѣня слова, а тыж историчны змѣны штруктуры слова и его значѣня.Жеребило Т.В., сс. 469–470.
Иншы значѣня Етимология може тыж означовати походжѣня слова, циже можеме повѣсти «етимология слова».Языкознание, сс. 596–597.
В XIX. сторочу в языкознаню термин «етимология» означовав тыж простый выклад граматикы, котрый переважно учив о звуках (фонетика), частях речи и будовѣ слов (морфология).
Методология Етимология закладать ся на закономѣрностях звуковых змѣн, морфологичных змѣн слов. Операть ся на регуларны переходы такых ци иншакых типох лексичных единиць в иншы типы: метафоризация, метонимия, зужѣня и росширѣня значѣня слова. Такы змѣны и переходы суть зафиксованы в историчных жерелах, описаны и вызнаны независимыма ученыма, прото можеме етимологию посуджовати за помѣрно строгу науку, хоть в дакотрых припадах суть ей резултаты несполягливы и оспорьованы.
Народна етимология Зачатки етимологии мож видѣти уже у Платона, в тот час появив ся и термин «етимология». Тота етимология але не основала ся на научных методах, лем на подобности слов. Днесь таку етимологию называють «народнов».
Напримѣр, народна етимология выводить назву села Сокырниця од властного имени Сокырка, на оправданя чого придумана и неправдоподобна легенда. Зась научна етимология одводить назву од «сокорина» (чорна тополя).Sebestyén Zsolt: «Село заклали над потоком Szeklence, што вливать ся в рѣчку Байлова, правый приток Тисы, и назву достало од того потока. Зась назва потока походить од русинско-украинской назвы водолюбивого дерева сокір, сокорина. В Мадярской назвѣ стала ся перемѣна r:l...Официална украинска назва Сокирниця одводить ся од славянского властного имена.» (стор. 128, переклад).
Жерела и одказы Жеребило Т.В.: Словарь лингвистических терминов. Изд. 5-е, испр. и доп. — Назрань: ООО «Пилигрим», 2010. – 486 с. Языкознание. Большой энциклопедический словарь / Гл. ред. В. Н. Ярцева. — 2-е изд. — М.: Большая Российская энциклопедия, 1998. — 685 c.
Референции
Катеґорія:Етимология