Трансцендентализм — филозофскый и литературный напрям а США в роках 1830–1850, споившый радикалну интелигенцию зоз центром в бостонском «Трансценденталном клубѣ» и часописѣ The Dail.Покровский И. Е., сс. 93–94.
Основны идеи Идейным манифестом «Трансценденталного клуба» став ся есей Ралфа Волдо Емерсона Природа (Nature, 1836). Члены клуба векшинов были тыж в Партии Слободы, котра добивала ся выслободжѣня рабох.Ремини Р., сс. 116–117.
Трансценденталисты звали вымѣнити вѣру в чудеса и персонификацию Бога почитаньом «безконечности чоловѣка» и «моралного чутя», властного вшиткым людям. Христианска религия перетворьовала ся нима на кодекс моралных идеалох, не потребуючых на свою реализацию даякы церковны инштитуции. Чоловѣка видѣли яко повноправного представителя гармоничной и динамичной козмичной основы и приписовали природѣ невычерпны духовны силы. При тому принижовали роль чутьовой практикы, намѣсто того преферуючи интуицию и фантазию.
Трансценденталисты видѣли свою филозофию як алтернативу ровнако и пантеизму и материализму: пантеизм роспущать чоловѣка и природу в Богови, материализм роспущать Бога и чоловѣка в природѣ, а трансцендентализм роспущать Бога и природу в чоловѣкови. На мѣсто пуританской представы о грѣшности чоловѣка приходить вѣра в его божественность.
Пробы реализации В року 1840 трансценденталисты заложили под Бостоном комуниту, котру назвали Брукфарм, де могли въедно жити и реализовати свои идеи. Не было их нигда вецей як 150 особ, але их навщѣвовали тысячи звѣдавых, котры приходили увидѣти и учути, як жиють и што говорять. В року 1847 Брукфарм закончив свою екзистенцию наслѣдком страшного пожара.
В литературѣ идеи трансцендентализма выразно взяли на ся тѣло во творбѣ Волта Витмана (Листы травы, 1855—1892).
Жерела и одказы
Референции
Катеґорія:Литературны напрямы Катеґорія:Філозофічны напрямы