Ярослав Га́шек ( Jaroslav Hašek; * 30.апрѣль 1883, Прага, Австро-Мадярщина – † 3. януар 1923, Липнице над Сазавов, Чехословакия) — чешскый писатель, гумориста, публициста и новинарь. Найлѣпше познатый своим романом Пригоды доброго вояка Швейка за свѣтовой войны.
Биография и творба Школы и зачаток писательства Отець му быв учитель реалкы и в родинѣ держав строгый порядок. Первы двѣ класы гимназии Ярда закончив з одзначѣньом. Але по смерти отця ся вшитко перемѣнило: в третьой класѣ мав екзамен з математикы складовати повторно, а в четвертой провалив уже два: грецкый и латину и мусѣв четверту класу учити ся повторно. Ку тому, дознало ся, же участнив ся протинѣмецкых выступох, и мати го мусѣла „з властной волѣ“ забрати з гимназии. Стрый му найшов роботу складача в печатни, але там ся не обыв, бо не знав нѣмецкый язык, пробовав роботу в дрогерии, але одты вылетѣв, коли не здержав ся и учинив свое наступне битангство. По тых неуспѣхах мати домогла ся, жебы ишов ся доучовати на торговелну академию и зыскав матуру, а так бы мав можность достати лѣпшу роботу.
Литературну творчость зачав еще в академии яко 18-рочный в новинках и гумористичных часописах куртыма повѣданками чеховского типа.Скачков М., сс. 413–415.
Урядник vs богем 23. юла 1902 зо слушным успѣхом зматуровав и в октобрѣ быв приятый урядником до банка Славия, де перед тым працовав, подробляючи, его небогый отець.Osudy dobrého člověka Jaroslava Haška - životopis. Спочатку там ишло му добрѣ, але з приходом яри не удержав ся и никому нич не кажучи лишив роботу и одышов до Словакии. В Словакии, коли минули ся му грошѣ, мусѣв заробляти физичнов роботов, але веце му ся любило збывати час в корчмах. По шѣстьох тыжднях быв доправленый полициев до Прагы и переданый в рукы матери. Вернув ся до банка и з милости ай з памяти о его отцьови быв взятый на роботу назад, ку великой радости матери.
Але 30. мая 1903 20-рочный Гашек лишив урядницку роботу навсе и зачав туляти ся свѣтом. 28. юла 1903 задержаный полициев в Краковѣ, 6. августа во Фридку-Мѣстку, не знати де еще, але до Прагы зась вернув ся 6. октобра 1903, за што свѣдчить полицайный протокол о задержаню. В року 1904 сходив ся з анархистами, працовав в редакции их новинкы Omladina, але неодовго лишив редакцию (не любила ся му тамошна атмосфера) и одыйшов на далше туляня, тот раз до Германии и Швайцу. В его вандровках допроваджав го брат Богуслав, а розличны пригоды, увиджене и пережите стали ся обсягом смѣшных историй и фельетонох, котры публиковав переважно в Народных листах. В року 1906 Гашек повадив ся ся з матѣрьов, котра не хотѣла прияти такый способ его живота, и перешов жити в наяте бываня. Неодовго в тых самых Народных листах появила ся курта информация з дня 18. децембра 1906, же Ярослав Гашек „напав в ночи на чашничку Анну Рейгову а без причины ю ударив даколько разы до твари и вырвав юй з головы множество волосох“. На тот раз уже з полиции не быв лем так одпущеный, але одвели го на асентирку, де быв вызнаный „tauglich“Валушный ку войсковой службѣ. и придѣленый ку войску. Там набрав ся первых скушености, котры пак описав во своем романѣ о Швейку.
Основаня властной родины В року 1907 первый раз ся стрѣтив з Ярмилов Маеровов, своев будучов женов, и з Йозефом Ладом, будучым илустратором Швейка. В том же року редаговав анархистичный часопис Komuna, а за нарушеный при том закон быв на куртый час посадженый до арешту. Родичѣ Ярмилы не хотѣли такого зятя и забрали Ярмилу з Прагы до села, надѣючи ся, же ся их односины розорвуть. Гашек на то зареаговав тым, же розорвав з политиков и перейшов до редакции пристойнѣйшого часописа Ženský obzor (1908). В року 1908 достав стале мѣсто в редакции новинкы České Slovo, а выдержав там понад три рокы: час од часу на него „приходило“ и пропадав з редакции на даколько днѣ, але там му то одпустили про его новинарску здатность. В року 1909 уже мав опубликованы 64 повѣданя, а в року 1910 достав пост редактора часописа Svět zvířat. Але ту мав галибу: легкомыселно пустив ся до далшой мистификации, коли написав статью о выгаданыхых звѣрятах. Статья выволала велике незадовольство в фаховых кругах и быв з редакции вышмареный. Наперек вшиткому милостны чутя были силнѣйшы од родичовской недякы и 23. мая 1910 молоды побрали ся. По еще едной вадѣ зо свекром, 9. фебруара 1911 в глубокой ночи, подля полицайного протокола, Ярослав Гашек быв затриманый при пробѣ „скочити з Карлова мосту з намѣром самогубства“. При том симуловав ненормалного и быв доправленый до психиатричной болницѣ на 6 тыжднѣ. Але уж о два тыжднѣ роскрыло ся, же е симулант и 27. фебруара 1911 быв переданый в руки женѣ Ярмилѣ. Правдоподобно, же то была глубока психична криза, котру масковав симулациев. Але уже перед юнскыма выберанками до парламенту пустив ся до далшой мистификации: створив „Партию умѣреного поступу в рамках закона“, выступав на митингах и в новинках. По неуспѣху на выберанках Гашек наговорив свекра, обы му позычив грошѣ, и 5. децембра 1911 отворив фирму Кинологичный инштитут, яка продавала файтовы псы, а была записана на Ярмилу. Але тоты псы и их педигрей были фалшованы, а меджи клиентами найшли ся такы, што ся з тым не хотѣли змирити, и неодовго супругы Гашковы трафили перед суд, а фирма была зликвидована. Ярмила одышла на село ку родичам. В януарѣ 1912 умерла Гашекова мати, а 7. фебруара 1912 Гашека вышмарили з редакции Českého slova. 2. мая 1912 Ярмила родила сына, Ричарда, але з ним дефинитивно одышла ку родичам, бо Гашек при его богемской натурѣ не быв способным утримовати родину.
Гашек на войнѣ По зачатку Первой свѣтовой войны Гашеков рочник мав быти мобилизованый 15. фебруара 1915. Гашек доставив ся 17. фебруара и быв посланый до школы еднорочных добровольникохВ днешной добѣ аналогом суть офицерскы курзы про тых што мають высокошколску освѣту; называли такых воякох еднорочниками, бо в мирный час служили еден рок. По куртой выуцѣ, 30. юна 1915 посланый на русскый фронт. 1. септембра 1915 достав шаржу гауптман (капитан). 24. септембра 1915 под Хорупаньов трафив до русского заятя. В юну зоз чешскых заятцьох зачали формовати Чехословацку легию, котра мала войовати на русском боку против Австрии — Гашек од 29. юна 1916 быв в резервной ротѣ 1. полку, але яко неспособный ку шоровой службѣ. Од 10. юла 1916 пише в часописѣ Čechoslovan в Киевѣ, австрийска юстиция обвинила го з державной зрады и уражкы цѣсаря и 5. октобра 1916 выдала на него розказ арешту.Napsali o Haškovi
Часопис Čechoslovan належав легионарскому руху и выступав в духу Масариковых идей. Гашек писав там под псевдом Dr Vladimír Stanko, але тоты, што го знали, были задоволены: „Наконець то наш Гашек, теперь го спознаеме“. Спознавали го и тоты, што го знали як найвекшого пияка, биткаря и мистификатора. Але тыж не вылѣчив ся Гашек зо своей необъснимой легкомыселности: в опозичном часописѣ Revoluce написав памфлет против веджѣня легионарского руха.Břetislav Ludvík
23. апрѣля 1917 одкликаный з редакции Čechoslovan-а, деградованый до шорового стрѣлця и посланый на фронт ку 7. ротѣ 1. полку, де быв участником битвы при Зборовѣ и достав за то медалию Св. Йиржия IV. ступня. Але уже 15. новембра 1917 быв узятый назад в Čechoslovan.
По приходѣ ку владѣ в России болшевикох Масарик розказав вывести Чехословацку легию до Франции через Владивосток. Гашек з тым не быв согласный, дезертовав з легии, перейшов на сторону большевикох, де активно ся участнив в револуции, вступив до комунистичной партии и занимав ся политичнов агитациев, вербованьом чешскых заятцьох до Червеной Армады и редигованьом комунистичных новинок. В найтяжшы рокы домовой войны выступав в Сибирии яко працовник политичного оддѣлѣня 5-й армады восточного фронта. 25. юла 1918 полный суд чехословацкого войска в Омску выдав розказ на арешт Ярослава Гашка, обвиненого з державной зрады против чехословацкого народа.
В Сибирии Гашек оженив ся еще раз, скрывши, же не е розведеный. По закончѣню домовой войны вернув ся до Прагы, де го стрѣтили многы стары знакомы неприятельскы. Полицайный рапорт голосив о нем, же „е часто опилый, чоловѣк безхарактерный, котрый пристане все до такой партии, котра веце заплатить“. Гашек одыйшов до Липнице и одтогды цѣлком ся оддав литературной творбѣ, резултатом котрой став ся роман Пригоды доброго вояка Швейка за свѣтовой войны.
Интересны факты и неясности В чешском и словацком сполоченствѣ Гашек зафиксованый яко богем. Напротив, в России такой представы не е, акцентуе ся, же Гашек быв бойовник против буржуазного сполоченства и войны, цѣлком позитивный чоловѣк.
Многы факты и пригоды властного живота стали ся обсягом его повѣдань и романа, в котрых, природно можуть быти перемѣнены даты, назвы, имена. Нераз е неможне розознати, што е факт биографии, а што выдумка. Зато в биографичных выгледованях и литературѣ о Гашекови трафляють ся спорны податкы, описы и заключѣня.
В Чехословакии роман о Швейкови быв заказаный, подля комунистичного жерела стало ся так, бо то остра сатира на буржуазне сполоченство.
Гашек написав около 1200 повѣдань. Хосновав около 100 псевдонимох. Понеже его робота в редакциях часто закончовала ся шкандалом, по котром была му можность публикации закрыта, по куртом часѣ просто зачинав писати в том самом выданю под иншым псевдонимом. Литературознателѣ зафиксовали припад коли меджи двома выданями была остра полемика, а в обох выданях автором быв Гашек, котрый писав под псевдонимами. Литературознатель Ф. Солдан назвав Гашека найвекшым мистификатором.Fedor Soldan.
Жерела и одказы Скачков М.: Гашек // Литературная энциклопедия: В 11 т. — Том 2. — Москва: Изд-во Ком. Акад., 1929.
Референции
Катеґорія:Чешскы писателе