Диригент, од Dirigent — музикант-интерпрет, ведучый оркестра, хора, ансамбла, оперной трупы и т.п. Рацер E. Я. Функция и техника Диригент давать темпо и динамичный ритм музицѣ, веде групу музикантох зоз помочов поглядох, гестох, мимикы, рухох, што вшитко складать ся на диригентскый «язык». Суть тыж шпецифичны назвы той професии: капелник — диригент вокалной або инштрументалной капелы, оперы або военского оркестра; хормайстер — диригент хора; регент — диригент церковного хора.Аяган Б. История Диригентскый язык гестох од часу Старовѣкой Греции достав назву хейрономия, од χείρ рука и νόμος закон, правило. Од XV. стороча задокументовано хоснованя диригентской паличкы, тактовкы. Од XVII.–XVIII. стороча появила ся система генерал-бас, де дириговав музикант, котрый играв партию генерал-баса на чембалови або органах, але и диригованя зоз тактовков дале ся хосновало. Од XVIII. стороча в диригованю все векша роль приходить первому гуслистови, котрый часом перестав зоз гров а смык поужив яко тактовку. Од XIX. стороча зоз векшым розвоем симфоничной музикы, росширѣньом зложѣня и компликованости оркестрох, гуслиста-диригент фурт менше участнить ся на грѣ, функция диригента остаточно выокремлять ся в самостатну.
Жерела и одказы
Референции
Катеґорія:Диригенты