Марокко (араб. المغرب аль-Магріб, бербер. ⴰⵎⵓⵔ ⴰⴽⵓⵛ, фр. Maroc), офіціальна назва — Корольо́вство Маро́кко (араб. المملكة المغربية аль-Мамля́кату ль-Магрібíя, бербер. ⵜⴰⴳⵍⴷⵉⵜ ⵏ ⵍⵎⵖⵔⵉⴱ Тагльдіт н лмгріб, фр. Royaume Du Maroc) — держава на крайньому западі Сїверної Африкы. Столица — Рабат. Омыває ся Середньоземньым морьом на сївері, и Антлантичным океаном на западі, межує з Алжиром на востоці, и Мавританійов на юзі. В узкуй морськуй смузі, што роздїлят Марокко и Іспанію, помежи двома краинами находятся спорні анклавы, а именно Сеута, Мелілья тай другі островы.
Происхоженя назвы Повноє арабськоє имня al-Mamlaka al-Maġribiyya товмачит ся як «Западноє Корольовство», часто хоснує ся курта назва al-Maġrib (Запад).
Назва «Марокко» происходит уд іспанського «Marruecos», портуґальського «Marrocos», середньовічного латинського «Morroch», што створена уд назвы товгдышньої столицї Marrakesh (Марракеша). Назва «Маракеш», у свуй шор, происходит из берберського и дословно означає «Земля Бога».
*