Синеви́рска Поля́на, Синевирська Поляна; Felsőszinevér — село в бывшом Межгорском районѣВ року 2020 инкорпорованый Хустскым. Закарпатской области Украины.
Сельска рада Синевирсько-Полянська сільська рада 90046, Закарпатська обл., Міжгірський р-н, с.Синевирська Поляна, 147 Тел. (03146)2-76-73 Ку сельской радѣ належать еще три села и 10 приселкох.Федака С., сс. 197–198. Села суть: Берегы, Загорб, Свобода.Тронько П., с. 376.
География Село лежить в безпосредной близкости озера Синевир и е фреквентованов туристичнов локалитов. Оддалене о 27 км од районного центра и о 72 км од желѣзничной штации Воловець. В околици лежать верхы Канч (1579 м н.м.), Камянка (1578 м н.м.), Погарь (1499 м н.м.), Озерна (1496 м н.м.), Менчил (1382 м н.м.).
Назвы ИсторияПерва упоминка под назвов Szinaver Pojana походить з року 1715. В зачатку при упорядкованю назва змѣнена на Felsőszinevér (Вышный Синевир), а сосѣдный Синевир назвали Alsószinevér (Нижный Синевир). В украинской добѣ вернули ся на стары назвы обох сел. Даякый час (по року 1944) назва была Синевир Поляна, а пак была украинизована на Синевирська Поляна.Sebestyén Zsolt, сс. 131–132. Етимология Етимология назвы объяснена на сторонѣ Синевир. ТопонимыГотарны назвы в околици: Острѣкы, Рабачинка, Гатара, Минчеловскый, У болотах.
История села В року 1817 освячена грекокатолицка деревяна церква Покровы Пресвятой Богородицѣ.Достал Я., с. 69. Еще скорше в готарѣ У болотах была старша церква, при котрой од рокох фунговала фарска дяковска школа.
В року 1930 в селѣ быв 1101 обыватель, з того 1052 — Русины, 19 — Чехы и Словаци, 18 — Евреи, 9 — Мадяре, 3 — Нѣмцѣ. Грекокатолицка громада числила 1027 вѣрникох. З державных инштитуций была русинска школа (4 класы), станиця финанцох, лѣсорубна управа и лѣсосплавный комплекс з воднов гатьов Слобода около приселка Свобода.
В роках 1939–1941 169 обывательох утѣкли до СССР, 135 были засуджены до лагрох.
село заяла Червена армада, и зачала ся писати его украинска история. Покровска церква стала ся православнов. 108 хлопцьох взяты воевати до Червеной армады, 6 — на обнову майн в Донбасѣ, 5 — воевати в Афганистанѣ.
Днешность Село мать восѣмрочну школу, клуб, библиотеку. В конци лѣта одбывать ся фестивал На Синевир трумбеты кличуть. Фунгуе круглорочно векше число приватных убытовных, оздоровных туристичных объектох, амбуланта, пошта, горска захранна служба.Karpaty-info: Синевирська Поляна
Вызнамны особы Петро Продан (1919), учитель и писатель — жив и учительовав в селѣ в роках 1951/52 и 1952/53.
Интересны факты Синевир Поляна первый раз ся упоминать о 111 рокы позднѣйше як сосѣдный Синевир. Село заклали польскы бѣженцѣ по поражцѣ Ференца II. Ракоция. Синевирска Поляна — найвысше положене горске село в Украинѣ: приселок Сакальова мать вышку 1145 м н.м. В селѣ суть 82 матери-героинѣ, найстаршый обыватель жив 105 рокы.
Жерела и одказы Sebestyén Zsolt: Máramaros megye helységneveinek etimológiai szótára. Bessenyei könyvkiadó. Nyíregyháza, 2012. Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Тронько П. и др. (ред.) Історія міст і сіл України. Том 7. Закарпатська область. К. 1969. Федака Сергій. Населені пункти і райони Закарпаття. Історично-географічний довідник. "Ліра". Ужгород, 2014.
Референции
Катеґорія:Населены пункты Украины Катеґорія:Населены пункты Закарпатской области