Кошицка Нова Весь, Košická Nová Ves, Kassaújfalu — предмѣстя Кошиць, еден з 22 мѣстскых районох, котрый належить ку мѣстскому округу Кошицѣ III.
Полога Кошицка Нова Весь лежить во выходной части Кошиць
История Перва упоминка о селѣ Cassa Uj Falu походить з року 1297: в том року ту быв освяченый костел Св. Ладислава, а одтогды заховав свое имя доднесь. Историчны назвы локалиты 1297 - Cassa Uj Falu 1317 - Nova Villa 1773 - Kassa-Új-Falu, Kossiczka Nowa Wes 1808 - Kassa-Újfalu, Neudorf, Nowá Wes 1863 - Kassaújfalu 1920 - Košická Nová Ves Кошицка Нова Весь была окремым селом до року 1968, коли зостала прилучена ку Кошицям.
Днешность Кошицка Нова Весь заховала свой характер сельской селитвы. Ту не екзистують промысловы зоны, а будинкы на 99% суть малы родинны домы, зоз 700 домох лем три суть панелакы. Такый характер района планують и надале, зоз ростом числа домох и обывательох аж до трикрат.
Интересны факты В минулости село засобовало Кошицѣ земледѣлсков продукциев. З найвекшой части славу собѣ добыли шунков, пѣкницями (колбасками), майошами, а каммай шпециално выробленыма шкварками, зашто нововещане достали прозывку «шкваркарѣ». Мясарскы майстры были познаты не лем своим фаховым майстровством, але ай своев грамотностьов: в добѣ переважной неграмотности они знали читати, писати и раховати.
Одказы
Референции
Катеґорія:Населены пункты Словакии