Емилиан Бокшай, Boksay Emil, (* , Кобылецка Поляна, Мадярске кральовство – † , Кошицѣ, Чехословакия) — священик, новинарь, словникарь, педагог, сполоченскый активиста русинской ориентаци и на Подкарпатской Руси, брат маляря Йосифа Бокшая.Поп І.
Биографичны податкы Учив ся в Мукачовской гимназии и Будапештской теологичной семинарии (1907–1909). Рукоположеный в грекокатолицкы священикы (1914). В часѣ Первой свѣтовой войны служив капланом в Мукачовѣ. По роспадѣ Австро-Мадярщины активно ся участнив в политичном животѣ Подкарпатской Руси. Секретарь «Руського клуба». В роках 1935–1938 закладатель и редактор русинской новинкы Недѣля Мукачовской грекокатолицкой епархии. Професор теологии на Ужгородской гимназии (1918–1944), автор ряда учебникох, написаных по русинскы. При конци Другой свѣтовой войны (1945) емигровав до Кошиць, де прожив остаток свого живота. Причинов емиграции была атеизация и украинизация, котры ся зачали в бывшой Подкарпатской Руси.Алмашій М.
Творба Еще в 1920-х роках выступив зоз сериев статей в часописах Наука и Свобода. Сполуредиговав грекокатолицкы периодикы Благовѣстник и Душпастырь. В року 1935 зачав выдавати неполитичный мѣсячник Недѣля. Написав и выдав ряд гимназиалных учебникох, переважно богословской тематикы, што было тѣсно звязане з потребами его многорочной педагогичной роботы: Основы правды вѣры (катехизм); Исторія Старого Завѣту; Исторія святой Католицой Церкви и Мукачовской епархіи; Исторія Нового Завѣту; Литургичны Богослужѣня и др. Найвекшу популарность и новы перевыданя заслужили молитвенник Господу помолимся, книга Со страхом Божим и вѣрою приступѣте, учебникы Литургика и Катехизм, што были перевыданы и в Пряшовѣ.Пагиря В.
Его Magyar-ruszin szótár / Мадярсько-руській словарь. Ужгород: Выдавательство Педагогичного Т-ва Подкарпатскоѣ Руси, 1928, котрый склав в сполупраци з Михайлом Бращайком и Юлианом Реваем, не утратив своей вартости доднесь и служить ай нынѣшным русинскым писателям и словникарям.
Жерела и одказы Михайло Алмашій: Русинська педагогічна енциклопедія. — Ужгород: Карпатська Вежа, 2005. — 304 с. С. 33. В. В. Пагиря: Бокшай Еміліан Йосипович. //Енциклопедія Закарпаття. Визначні особи ХХ століття. Закарпатський осередок НТШ. Під наук. ред. Довганича О.Д. — Ужгород: «Гражда», 2007 — 400 c. Сс. 49–50. Іван Поп: Бокшай Еміліан. //Енциклопедія історії та культури карпатських русинів. Укладачі Маґочій П.Р., Поп І. — Ужгород: Вид-во В.Падяка, 2010. — 856 c.+ХХХІІ с. С. 61.
Референции
Катеґорія:Русиньскы церьковны дїятелї Катеґорія:Новинаре Катеґорія:Русиньскы педаґоґы