Астероид — старше и неточне, але ещи все хосноване означѣня козмичных тѣлес, котры ся правилно зовуть планеткы. Неточне названя астероидох мать корѣня з часох, коли были знамы лем двѣ тѣлеса. В добѣ, коли было объявлене уже пару десяток тѣлес, было прияте нове означѣня того, до той добы не знамого типу тѣлес — планетка.
Астероиды, або малы планеты — тверды тѣлеса Сонѣчной системы. Розмѣры их суть приближно од 1 до . Рухають ся довкола Сонця по елиптичных орбитах, што суть переважно меджи орбитами Марса и Юпитера. Первый астероид, Цереру, нагодов объявив Джузеппе Пиацци 1. януара 1801. На зачаток рока 2000 число астероидох з точно вызначеныма параметрами орбит, якы достали индивидуалне регистрачне число, а векшина — и властны назвы, сягло на 9709. Цѣлково число астероидох, што суть доступны про обсервацию, сягать 100 000. Але их повна маса ся шацуе на , што менше як масы Землѣ, а их повный объем приближно . Около 98% вшиткых познатых астероидох ся рухають в области пояса астероидох.Климишин І.А., Корсунь А.О., сс. 29–30.
См. тыж Планетка
Жерела и одказы Климишин І.А., Корсунь А.О. (ред.) Астрономічний енциклопедичний словник — Львів : Голов. астроном. обсерваторія НАН України : Львів. нац. ун-т ім. Івана Франка, 2003. — 548 c. ISBN 966-613-263-X.
Референции
Катеґорія:Астрономія *