Димитрий Попович, *7. новембер 1899, Онок, жупа Угоча, Мадярске кральовство – †3. октобер 1968, Хуст, УССР — священик, педагог, писатель.Алмашій, Михайло.Поп, Иван.Хланта І. В.
Биография РодинаПоходив з родины сельского ковача Миколы Поповича тай Иды А́бранѣ. Быв найстаршый дѣтвак в родинѣ а мав молодшы братя Евгена, Гейзу, Юлия и сестры Юлиану, Емилию и Марию.Конкіна, Марія.
ШколованяУчитель фарской школы Юрий Кубинѣ рекомендовав родителям дати способного до наукы дѣтвака до далшого школованя. Фамилия перебрала ся до Великых Комят, одкы по основной школѣ одышов учити ся до гимназии в Калочи, а пак в Будапештѣ выучив ся в Централной духовной семинарии, де, здавши потребны екзамены, достав право на роботу учительом.Мукачівська греко-католицька єпархія.
СлужбаПонеже через молодость еще не мог быти священиком, в роках 1922–1924 выучовав богословие и логику на Ужгородской учительской семинарии. 12. августа 1924 оженив ся з Аннов Зейкан (23.06.1903–6.11.1945), а 28. августа быв рукоположеный в священство в Мукачовском монастырю епископом Петром Гебейом и посланый професором закона Божого до Хустской гимназии, де служив до року 1945. В року 1930 его служба была оцѣнена епископом, котрый именовав го членом своей конзистории, быв тыж епархиалным цензором. В року 1931 на припоруку епископа побывав во Святой Столици, де говорив з Папом Пием XI. и достав помочь 75 тысяч лир на выставбу алумнея на 90 мѣст про худобных штудентох Хустской гимназии, де могли туньо або и задарь бывати и костовати ся. В наступных роках быв активным организатором выставбы алумнея, а в роках 1933–1945 быв его директором. В маю 1944 на Коложварской универзитѣ оборонив докторску дизертацию и достав ученый ступень доктора каноничного права.Адамчо, Нестор.Закарпатська Обласна Універсальна Наукова Бібліотека.
Репресии По включѣню Подкарпатской Руси в УССР, коли алумней и гимназия были ликвидованы, была му заказана педагогична робота, а по ликвидации Грекокатолицкой Церкви жадали од него переход на православие. Неуступчивый священик быв 4. фебруара 1949 арештованый, а 29. марца 1949 засудженый на 25 рокы лагра з конфишкациев маетку и наступны 5 рокы ограничѣня прав. Его винов было, же «воспитовав молодежь в антикомунистичном духу, прискѣпльовав любовь ку католицтву и ненависть ку СССР, быв лидром Христианской людовой партии, од року 1939 едным з лидрох УНО и сполупрацовав в националистичной новинцѣ Свобода, де брутално атаковав СССР и кликав до будованя так званой самостойной Украины».
Выслободжѣня В року 1956 на повторны скаргы родины засудженого Найвысшый суд СССР скасовав засуд и Димитрий Попович вернув ся до Хуста по одбытых в неволѣ 8 рокох. Але педагогична и литературна робота были му заказаны. Регабилитованый Генералнов прокуратуров Украины 21. януара 1993.
Димитрий Попович погребеный на теметовѣ Калвария, обок гроба сына Миколы.
Литературна творба Дебутовав в року 1926 в украинском алманаху Трембита з куртым повѣданьом Дѣвочий сон, де выявив свой намѣр писати рафинованым украинскым литературным языком. Выдав книжкы Женскый вопрос (1923), Вам, солодкы браты (1926), Дорога правды (1927), Свѣтло в темнотѣ (1928), Молодым дѣвчатам (1929), учебникы про семинарию История Церкви Христовой (1925), Апологетика (1926), а тыж брожуру На земли Кирила и Мефодия (1926), приручник Мариинська конгрегация (1928), книжку Божа Мати (1931) — житие Богородицѣ, первый раз написане подкарпатскым священиком. Выступав зо статьями в новинках Свобода, Русин, Учитель, Верховина, журналах Душпастырь и Мисийный вѣстник.
В роках 1941–1944 сполупрацовав зоз ПОН и быв его членом. Публикуе цѣлый ряд повѣдань в Мисийном календарѣ (1941), Литературной Недѣли (1943–1944), а тыж окремыма брожурками — Из житя (1943), Адам и иншѣ оповѣданя (1944), зборник проповѣдей про гимназистох Будователѣ храмов (1944). По мадярскы публикуе цѣлый ряд статей религийной тематикы в журналѣ Греко-католицкый вѣстник, выдавать руськый переклад-адаптацию мадярского автора Л. Ердевди Стефан Касап (1943) о мисионеру.
Переважна линия творбы автора несе характер духовно-воспитателный и дидактичный, не позначена ниякыма политично-идеологичныма замѣрами, универзална и позачасова. Василь Маркусь в рецензии припоминать, же о. Димитрия называють подкарпатскым Тихомиром Товтом (быв то славный мадярскый духовный писатель).
В року 2016 ужгородске выдавательство Гражда выпустило книгу о. Дмитрия Поповича Пять збірок. Невольнича муза, котра обсягуе его творбу з рокох 1955–1967.
Интересны факты Воспитаниками о. Димитрия были будучы епископы Теодор Ромжа, Йоанн Семедий, Иван Маргитич, Йосиф Головач, историк священик Стефан Пап.
Жерела и одказы Адамчо, Нестор. Розумом и серцьом (др. о. Дмитрий Попович) //Отцюзнина, №3(5) 2017. Сс. 37–39.
Алмашій, Михайло. Русинська педагогічна енциклопедія. — Ужгород: Карпатська Вежа, 2005. — 304 с. С. 213. Василь Маркусь (В. М.): Димитрій Поповичъ: Будователѣ храмовъ. Дѣточа Библіотека, число 10. Выданя ПОН. Унгваръ, 1944. 127 ст. 16°. //Литературна Недѣля, Унгваръ, 1944, сс. 226–228. Поп, Иван Энциклопедия Подкарпатской Руси. — Ужгород: Изд-во В.Падяка, 2001. — 431 с. Сс. 311–312. Хланта І. В.: Попович Дмитро Миколайович. //Енциклопедія Закарпаття. Визначні особи ХХ століття. Закарпатський осередок НТШ. Під наук. ред. Довганича О.Д. — Ужгород: «Гражда», 2007 — 400 c. С. 257.
Референции
Катеґорія:Русиньскы церьковны дїятелї Катеґорія:Русиньскы педаґоґы Катеґорія:Авторы книг дѣтям Катеґорія:Украинскы писателе