Феничане, Φοινίκες Foiníkes, Phoenices — старовѣкый семитскый на­род, жив­шый на восточном ­бе­резѣ Сере­до­зем­но­го мо­ря.Ottův slovník naučný.

История Вандровны предкы Феничан пришли на Евфрат около 2300 до н. е.,Хронология, с. 22. а около року 2000 до н. е. уже вывинули ся канаанскы городы (Библ, Угарит).Хронология, с. 24. Вытисканы Арамейцями, Евреями, Филистейцями, од зачатку XII. стороча до н. е. осѣли на тѣсной прибережной смузѣ (Канаан, котрый давны Грекы называли Фенициев) на середомор­cком по­бе­ре­жу. Але дале продовжують успѣшно розвивати ся их великы феницкы го­ро­ды — Библ, Си­дон, Тир.Хронология, с. 31. Понеже не мали землю на земледѣлство, стали ся мореплавцями и торговцями.

В хо­дѣ ко­ло­ни­за­ции за далшы 5 аж 7 стороч Феничане заос­но­ва­ли ряд го­ро­дох да­ле­ко за границями Фе­ниции; найваж­нѣй­шы з них: на южном березѣ Кип­ра – Ки­тий (днесь Лар­на­ка), на сѣверном по­бере­жу Аф­ри­кы – Кар­та­гена, Ути­ка, на Си­ци­лии – Мо­тия, Па­норм (днесь Па­лер­мо), Ли­ли­бей (днесь Мар­са­ла), в Ис­па­нии – Га­дес (днесь Ка­дис).Циркин Ю. Б.

В их плавбах найдалшов точков досягу была Велика Британия.

Упадок феницкых колоний зачав ся в року 480 до н. е., коли были поражены Греками на Сицилии.Хронология, с. 45. В року 146 до н. е. римляне знищують Картагену.Хронология, с. 64. Феничане заникли в I. сторочу, ростопивши ся в иншых народах.

Култура

Феничане были торговым народом и найлѣпшыма мореплавцями свого часу. Были справныма ремеселниками, вынайшли пурпуровый фарбник. Возили на запад товары египетскы и вавилонскы, вымѣнюючи их на тамошну сыровину, а з тым ширили тыж и културу и вынаходы розвитого Востока на западны варварскы краи.

Нераз вынаходы, приписованы Феничанам, были нима лем позычены од другых народох и добрѣ освоены. Але великым приносом до свѣтовой културы было феницке писмо, з котрого пак розвило ся писмо грецке, латинске и кириличне.

Интересны факты Днешны малтийцѣ суть потомками Феничан, котры их колонизовали в XIII. сторочу до н. е., а пак в VI. – III. сторочу до н. е. были под владов Картагены, циже довъедна тысяч рокы.Мальтийцы.

Жерела и одказы Ottův slovník naučný. Illustrovaná encyklopaedie obecných vědomostí. Díl 9. Vyd. J. Otto. V Praze, 1893. Сс. 333–336. Мальтийцы //Народы и религии мира: Энциклопедия / Гл. ред. В. А. Тишков, Редкол.: О. Ю. Артемова, С. А. Арутюнов, А. Н. Кожановский и др. — М.: Большая Российская энциклопедия, 1999. - 928 с: ил. С. 319. Хронология: //

Референции

Катеґорія:Старовѣкы народы