Иван Фирцак “Кротон”, * 28. юл 1899, Бѣлкы, Мадярске кральовство – † 10. новембер 1970, Бѣлкы, Украина — шпортовець, циркусовый артиста.Рудченко О.
Шпортова и циркусова чинность
Од зачатку 1920-х рокох выступовав в Празѣ яко пасовач тяжкой вагы, двигач куль, боксер, циркусовый артиста. Участнив ся в указовых суперѣнях в 64 державах свѣта, в том числе и яко тореадор в Испании. В тых выступлѣнях фурт быв найлѣпшый, завойовав множество наград. Од кральовны Великой Британии достав за оцѣнѣня честный борецкый пояс, манджеты и декоративну гелму, инкрустовану драгоцѣнныма камѣнями. В старшом вѣку працовав тыж шпортовым инштруктором, выховав цѣлый ряд шпортовцьох в тяжкой атлетицѣ.Поп Д., с. 384. Интересны фактыПодля основных жерел:Федак В. В. 1899 — родив ся яко десята дѣтина в родинѣ середнього селянина 1919 — одыйшов до Прагы за роботов, зачав яко неквалификованый фабричный роботник 1922 — шампион Чехословакии з тяжкой атлетикы, по часѣ тыж з вольного бою 1928 — в часѣ туры в США достав титул наймоцнѣйшого чоловѣка Землѣ 1930 — в Лондонѣ выграв бой з шампионом Англии, в резултатѣ чого тот закончив самогубством, а обожателѣ английского шампиона проломили Кротонови голову 1970 — умер од раны, котру достав в Лондонѣ
Оцѣнѣня В совѣтской добѣ “Кротон” быв в немилости, понеже его сын быв засудженый як участник ОУН. Але по смерти тота немилость была забыта и, напротив, о “Кротонѣ” зачали выдавати книгы, ширити легенды и небылицѣ. В добѣ независимой Украины героизация “Кротона” еще набрала на силѣ, были одкрыты «новы факты», написаны новы статьи и книгы, накрученый филм.Закарпатець Іван Фірцак - він же "Іван Сила", найсильніший у світі.Василь Шкіря.
В Бѣлках на домѣ, де жив, установлена памятна табла, а в центрѣ села 26. юла 2009 сяточно быв отвореный памятник.
Жерела и одказы Федак В. В.: Фірцак Іван //Енциклопедія Закарпаття. Визначні особи ХХ століття. Закарпатський осередок НТШ. Під наук. ред. Довганича О.Д. — Ужгород: «Гражда», 2007 — 400 c. Поп Д.: Фирцак Иван //Иван Поп: Энциклопедия Подкарпатской Руси. Ужгород: Изд-во В.Падяка, 2001. 431 с.
Референции
Катеґорія:Русиньскы шпортовцы