Юлиа́н Ра́мач (*12. децембер 1940, Руски Керестур, Войводина, Югославия) — языкознатель, професор Новосадской универзиты, вызнамный лексикограф, перекладатель и сполоченскый дѣятель войводинской русинской меншины.Дуліченко О.
Биография Закончив гимназию в Новом Садѣ (1959), затым штудировав славянскы языкы на Београдской универзитѣ (1959–1963), де в року 1981 обгаив магистерску дизертацию в тематицѣ русинской лексикы. Розвиваючи материалы той дизертации, в року 1983 написав учебник Лексика руского язика. Еден час преподавав русинскый и русскый языкы на гимназии в Руском Керестурѣ и сполупрацовав в русинской редакции Радия Нови Сад. Быв первым сполупрацовником в програмѣ выучованя русинского языка и литературы на филозофской факултѣ Новосадской универзиты (1972), де по часѣ отворила ся катедра русинского языка и литературы, на котрой выучовав, а еден час и шефовав. В року 1988 зыскав ступень доктора филозофии (1988, тема дизертации Применовнїцки конструкциї у руским литературним язику) и професора (1999). В сучасности е на пензии и жие в Коцурѣ, але продовжать научну роботу.Новинарска асоциация Руснацох.
Юлиан Рамач выступив тыж як перекладач на язык войводянскых Русинох (переважно Пушкина, Ершова), а од зачатку 2000-х рокох як активный сполоченскый дѣятель русинскых народностных и културных организаций.
Творба Юлиан Рамач е автором понад 100 научных робот з русинской лингвистикы. Первы з них появили ся в року 1975. Найважнѣйшы суть: Руска лексика (1983), Фразеологийни сербскогорватско-руски словнїк (1987, сполуавтор), Практична стилистика (1996).Миронов Г. Быв головным редактором и спорядником приготовленых колективом авторох трьох фундаменталных словникох: Сербско-руски словнїк (1995–1997, два томы), Руско-сербски словнїк (2010) и Словнїк руского народного язика (2017, два томы). Оцѣнѣня Награда Искри култури Културно-просвѣтного здружѣня Войводины; Награда Микола М. Кочиш часопису Шветлосц (1986); Награда Кирил и Методий за розвой русинского языка Карпаторусинского центру, Ню Йорк. Книгы Рамач Ю.: Лексика руского язика. — Нови Сад: Филозофски факултет, 1983. Рамач Ю.: Словнїк лексики Гавриїла Костельника. — Нови Сад: Руске слово, 1991. Рамач Ю. (главни редактор): Српско-русински речник. Словнїк сербско-руски. Том І. — Нови Сад: Филозофски факултет, 1995; Том ІІ. — Београд: Завод зa уџбенике и наставна средства, 1997. Рамач Ю.: Применовнїцки конструкциї у pyским литературним язику. — Београд: Завод зa уџбенике и наставна средства, 1998. Рамач Ю.: Ґраматика руского язика за І, ІІ, ІІІ и ІV класу ґимназиї. — Београд: Завод зa уџбенике и наставна средства, 2001. Рамач Ю. (редактор): Руско-сербски словнїк. Русинско-српски речник. — Нови Сад: Филозофски факултет, Завод за културу войводянских Руснацох, 2010. Рамач Ю. (редактор): Словнїк руского народного язика. Том І А–Н; Том ІІ О–Я — Нови Сад: Филозофски факултет, Завод за културу войводянских Руснацох, Дружтво за руски язик, литературу и културу, Руске слово, 2017.
Жерела и одказы Дуліченко О.: Рамач Юліан //Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. С. 627.
Референции
Катеґорія:Русиньскы лінґвісты Катеґорія:Русиньскы педаґоґы Катеґорія:Лексикографы