Буе́нос А́йрес ( ), повнов назывков Автономный варош Буенос Айрес () є головный и майвеликый варош Арґентины. Лежит на югозападі залива Ріо де ла Плата. Сам варош має 3.1 міліона обывателюв, а його аґломерація — 16.7 міліона, што го чинит 21. майвеликов метрополійнов земльов у світі.
Буенос Айрес знамый за всокочену еклектичну европську архітектуру и активный културный жывут. Буенос Айрес — многокултурный варош и дум про многі етнічні и реліґійні ґрупы. Уд 19. стороча варош, як и ціла крайина, принимат міліоны іміґрантув по вшыткум світі. Буенос Айрес єден из майрозмайитых варошув у Америках.
У 1880. році, по Арґентинськуй громадянськуй войні, варош быв федералізованый и удділив ся уд Буеносайреської провінції. Гатары вароша ся розшырили и включили в себе сосідні варощикы Белґрано тай Флорес, котрі теперь сут районами Буенос Айреса. Конституційна поправка 1994. року дала варошови автономію. Громадяны убрали свого першого голову вароського уряда в 1996; сперед тым ся мер убирав напряму президентом Арґентины.
Етимолоґія
Архівні записы Араґонської короны свідчат, ож по захватови Кальярі в Сардінії уд пізанцюв у 1324. році туды яли приходити каталанські місіонеры и єзуіты; селили ся вни на верьху берега над варошом. Берег они кликали Бонайра ( вадь ), бо там не чути были мерзького запаху старого вароша (замкової території), котрый лежав коло мочарюв. Бігом облогы Кальярі каталанці поклали горі капличку Богородиці. У 1335. році король Алфонс IV. Добрый подарив церьков мерцедарьському орденови, котрый поклав абатство, дотеперь цілоє. У рокы по тому зачала ходити межи челядьов історія, гибы статуя Дівы Марії чудом розогнала бурю в Середземному морьови, удкедь ї утягнули. Статую розмістили в абатстві. Іспанські морякы, особено андалузці, честовали тот образ и часто кликали „Добрі вітры“ на помуч у навіґації и вбы не трафити у біду. Пак ся поклала така капличка Дівы Марії Буенайрської и в Севії.
У часы закладеня Буенос Айреса іспанські морякы прибыли до Ріо де ла Плата вдяку благословіню „Дівы Марії Добрых вітрув“ (Santa Maria de los Buenos Aires); они вірили, ож она вчинила добрі вітры, котрі їм помогли безпечно дуйти д берегови днешнього вароша. Конкістадор Педро де Мендоса назвав варош Santa Maria de los Buenos Aires на єї честь з понукы капелана їхньої експедиції . Мало май пак поселеня атаковали місні бывателі и в 1541. році його зохабили.
Довгый час назывка вароша ся приписовала Санчови дел Кампови, котрый по прибытю гадано вповів: „Ейбо добрі вітры сього краю!“. У 1882. році арґентинськый бізнісмен Едуардо Мадеро по деталному зглядованьови іспанськых архівув дуйшов ид услідкови, ож назывка вароша скапчана из моряцькым бечелованьом Дівы Марії Буенайрської. Другоє, ужек фурташноє поселеня заклав у 1580. році Хуан де Ґарай, приплывши з Асунсьйона (теперь столиця Параґвая) ріков Парана. Ґарай усокотив назву, котру убрав быв Мендоса и назвав варош („Варош Пресятої Тройці и порт Дівы Марії Добрых вітрув“). Уд 17. стороча стала ся часто хосновати куртанка уд тої назывкы, и з часом она стала офіційнов назывков.
По іспанськы ся Буенос Айрес часто абревіює до , хоть хоснувут ся и варіанты тай . Удкой варош дустав автономію, хоснує ся абревіатура (уд ).
Референції
Катеґорія:Міста Арґентины Катеґорія:Головны міста