Семен Панько, *12. фебруар 1920, Чоповцѣ, округ Мукачово, Чехословакия – †3. юл 1976, Ужгород, УССР — подкарпатскый поет, прозаик, перекладатель, новинарь.Поп И.
Биография Чешско-мадярска добаСемен Панько походив з селянской родины. В року 1939 закончив Мукачовску реалну гимназию, де з пасиев штудировав украинску и русску литературу, што вплыло на формованя його писательского свѣтозору. Быв участником антивоенного руху. Подобно иншым подкарпатскым интелигентам з такыма поглядами по наворотѣ Подкарпатя под мадярску коруну, не мог достати державну службу в краю и влѣтѣ року 1940 быв посланый в мадярску глубину (Весприм), де достав пост подревизора млинох (1940), а пак поштового урядника (1940-1941). В септембрѣ 1941 перемѣщеный до Будапешта, де учив ся на курзах вязистох, працовав на министерствѣ комуникации и учительом в школѣ. Быв штудентом факулты славянской филологии Будапештской универзиты, де ся спознав з молодыма писателями з Подкарпатя и з писателями з иншых славянскых земель. Тото го подрулило ку занятю перекладами их робот. Од осени 1942 наруковав до войска и перебывав до конця войны на войсковом объектѣ в глубинѣ Мадярщины (Гоймашкир).Загорулько Р.Хланта І. В. Украинска добаПо припоѣню края до УССР активный организатор културно-умѣлецкого живота краю, створѣня первого крайового професионалного театру, стояв на челѣ професионалного сполку областного книжно-новинкового выдавательства, началником областного уряду пошт и комуникаций, литературным редактором в новинках «Закарпатська Україна», «Советское Закарпатье» (1946–1949), «Молодь Закарпаття» (од 1951), организачным редактором Закарпатского областного книжно-новинкового выдавательства (1949–1951). Од року 1950 — член Сполку писательох СССР. В року 1954 екстерно дипломовав на филологичной факултѣ Ужгородской державной универзиты, а од року 1955 до конця живота оддав ся властной литературной творбѣ и перекладам.
Творба Первы публикацииПервы вершы и повѣданя Семена Панька опубликованы в журналѣ Наши стремления (1937), зборниках Живая струя (1940), 12 (1940), Альманаху Мукачевской литературной школы (1941), Литературном альманахѣ (1943), новинках Русский народный голос (1938) и Карпаторусский голос (1942). Окремы властны поетичны зберкы Мой путь (1941) Школа в горах (1952) В Бовцарском ущелье (1957) Утренняя мелодия (1977) Властна проза Під синіми Бескидами (роман, 1962)Подля историка Ивана Попа, тот роман о «револучном бою» русинского селянства в роках 1918–1919 е соцреалистична продукция на росказ. Як Мудрило панів лікував (казкы, 1972) Дороги, друзі... (мемуары, 1974) ПерекладыВ выдавательствах Киева и Ужгорода вышли 22 книгы перекладох Семена Панька. Были то переклады з бачко-русинского, мадярского, сербского, словацкого, хорватского, чешского на украинскый, а тыж з украинского и русского на мадярскый.
Жерела и одказы Поп И.: Панько Семен Иванович //Поп, Иван. Энциклопедия Подкарпатской Руси. — Ужгород: Изд-во В.Падяка, 2001. — 431 с. С. 293. Хланта І. В.: Панько Семен Іванович //Енциклопедія Закарпаття: Визначні особи XX століття. — Видавництво «Ґражда», 2007. —400 c. С. 239.
Референції
Катеґорія:Русскоязычны писателе Катеґорія:Украинскы писателе