Аларик I., Alaricus (*cca 370 – †конець 410) — краль Визиготох од року 395.Буданова В. П.Encyclopædia Britannica.
Аларик быв з благородного рода Балтох и як такый провадив войско Визиготох, котре было частьов римского войска при императорѣ Теодозию I., але по смерти императора в року 395 лишив службу, вычитаючи Римлянам, же не быв належно заплаченый, и быв своим войском выбраный за краля Визиготох.
В року 395 провадив поход Визиготох на Константинополь, спустошив Тракию, Македонию и Грецию. В року 397 император Выходной Римской империи Аркадий умирив Аларика, давши му титулу magister militum (“воевода”) и пост намѣстника в провинции Выходна Илирия, де Визиготы были умѣщены яко федераты. В далшых роках провадив Визиготох в походах на Италию: в роках 400–402 заяв Аквилею; в року 408 безуспѣшно обсѣдав, а в року 410 добыв и вырабовав Рим. Умер в Калабрии, коли приготовляв поход на Сицилию и до Африкы. Подля легенды, погребеный на днѣ рѣкы Бусенто близь Козенцы.
Жерела и одказы
Референции
Катеґорія:Визиготы