Ян Ча́плович, Ján Čaplovič de Jeszenova, Csaplovics János, Johann von Csaplovics; * 21. септембер 1780, Горны Прибелцѣ – † 29. май 1847, Вѣдень, Австрийска империя — словацкого роду правник, етнограф, писатель.Révai nagy lexikonaSzinnyei József
Биография Походив зоз шляхтичского роду Ча́пловичох з Ясеновой, познатого од року 1320 (Csaplovics de Jeszenova; отець Йонаш Ча́плович, мати Юдита, роджена Су́диова).
По зысканю правницкого фаха (1798) одбывав юридичне стажованя при адвокатох в Банской Быстрици, од децембра 1799 яко нотарьскый и жупный урядник в жупѣ Зойом. В 1805 году зыскав адвокатску диплому и працовав яко адвокат в Банской Быстрици.
Влѣтѣ в року 1808 одышов да Вѣдня. По року службы в мадярской кральовской канцеларни, в септембрѣ 1809 одышов до славонского торгового города Пакрац (днесь Хорватия), де до мая 1812 мав службу администратора и правничого комисаря тамошного грековосточного епископа.Magyar Néprajzi Lexikon
В апрелю 1813 быв секретарьом у грофа Филипа Шенборна, од року 1815 — грофскый радник, од року 1819 — справця вшиткых мадярскых маеткох грофох Шенборнох. По часѣ Ян Чаплович ся вернув на державну службу и служив яко выбераный жупный апелачный судя в жупах Зойом, Мараморош и Угоча.
Свой пензийный вѣк прожив во Вѣдню, де и умер. Зо свѣта одышов самогубством, через нестерпны болѣ од тяжкой хвороты.
Творба Чаплович вшиток звышок часу, котрый му зоставав по його професионалной чинности, поуживав про писательску роботу во сферах права, географии и етнографии. Быв автором великого числа рецензий, гумористичных повѣдань, статей з найширшым кругом тем.
Його моттом было Slavus sum natis et educatus Я славянин родом и воспитаньом. Велике число робот засвятив етнографии славянскых народох Австрии и Мадярского кральовства. Писав живо и з гумором. В року 1818 в часописѣ Hesperus опубликовав етнографичну податку Beweise dass die Slowaken in Ungarn Engländer sind (Доказ того, же Словаци в Мадярщинѣ суть Анличанами), котра за гумор была оцѣнена шпециалнов наградов 200 форинты.
Спочатку писав по латинскы, пак по словацкы и нѣмецкы, наконець и по мадярскы. По словацкы написав Slovenské verše (Pest, 1822), суть написаны бернолаковчинов. Зучастнив ся народовецкого руху, выступивши з брожуров Rozjimaní o zmaďařování země Uherské aneb o Nemaďarů v Uhřich na Maďary obracování (Praha, 1842).Ottův slovník naučný
В роках 1840 – 1841 вступив до острой полемикы з Мадярсков Академиов, як славянин протестуючи против помадярьованя, за што ся став непопуларный. В своей главной роботѣ, двотомных Образках з Мадярщины, 1829 змальовав природу, етнографию и културу Мадярщины, перед тым выдав подобну книжку о Славонии (1819).
Ян Чаплович во своей монографии о Русинах Etnographia Ruthenorum (250 сторон, 1825), описав подробно их каждоденный живот, стравы, облечѣня, домашне газдовство ай иншы заробкы, ремесло, торговлю, моралность, календарны и родинны обряды. Правдоподобно, же в той роботѣ выхосновав рукопис Йоанна Фогарашия, пароха церквы св. Варвары во Вѣдню.Андрій Байцар.
Выбраны роботы Der Sprachkampf in Ungarn. (Zágráb, 1814) Языкова война в Мадярщинѣ Slavonien und zum Theil Croatien (Pest, 1819, 2 томы) Славония и часточно Хорватия. Етнология и крайопис. Часточно из властного виджѣня (1809-1812), часточно з позднѣйшой достовѣрной информации од обывательох.Энциклопедический словарь Брокгауза и Ефрона Topographisch-statistisches Archiv des Königreichs Ungern (Wien, 1821. 2 томы) Топографично-штатистичный архив Мадярского кральовства Etnographia Ruthenorum (1825) Етнография Русинох на 250 стор. з подробным описом Croaten und Wenden in Ungarn. Ethnographisch geschildert (Pressburg 1829) Хорваты и Венды в Мадярщинѣ. Етнографичный начерк Gemälde von Ungarn (Pest, 1829, 2 томы) Образкы з Мадярщины
Интересны факты В часѣ службы в Славонии прислужив ся до розвою тамошного пчолництва. Чаплович быв первый в Мадярщинѣ, кто зачав хосновати термин етнография.
Жерела и одказы Ottův slovník naučný. Illustrovaná encyklopaedie obecných vědomostí. Díl 5. Vyd. J. Otto. V Praze, 1892. С. 860. Révai nagy lexikona. 4. köt. Révai Testvérek Irodalmi Intézet Részvénytársaság, Budapest. 1912. Сс. 764–765. Szinnyei József: Magyar írók élete és munkái II. (Caban–Exner). Budapest: Hornyánszky. 1893. Энциклопедический словарь Брокгауза и Ефрона, т. XXXVIII (1903): Цензурный комитет — Человек с. 389. Magyar Néprajzi Lexikon: Csaplovics János Одчитане 2020-05-17
Референции
Катеґорія:Правници Катеґорія:Мадярскы писателе Катеґорія:Мадярскы етнографы Катеґорія:Поеты Словакии